1 Samweli 28:21 - KITABU KITAKATIFU

²¹ Nomukali uyu ya tsia ku Saulo, na a mu lola a veye mu kivi kinene, na ya mu volera, Henza, mukana mutugwa wowo mbuliye mwoyo gugwo, na mbiki livamwoyo lyange mu mukono gwange, na mbuliye makuva gogo ga u mboleye.

1 Samweli 28:21 ပူးပေါင်းရင်းမြစ်များ

2 Avami 6:11

Na mwoyo gwomwami wa Siria gwa henda ligali kigira inkuva yiyi; ya langa vatumekiri veve, na a va teva, Si mu la manya ni u li ha ku kwinye u veye ku luvega lwomwami wa Israeli?

Ayubu 13:14

Mbugule inyama yomubiri gwa nge mu amino gange, kigira ki, Nokuvugula livamwovo lyange mu mukono gwange?

Vakalagi 12:3

Na lwa nda lola mwinye mu vuli kumbonnya, nda gumira livamwoyo lyange, na ndambuka nduke kulwana navana va Amon, na Yahova ya va vika mmukono gwange: kunangwa kigira ki mu duka ku inze lero kulwana ninze?

1 Samweli 19:5

kigira uyu ya vika livamwoyo lilye mmukono gwigwe mwene, na yiita Mufilisiti, na Yahova ya kolera Israeli vosi ubuhonnyi bunene: ive wa lola inkuva yiyi, na wa sangala; kunang va ni kindu ki kalunu ive wenya kukola ubwoni ku masahi ga ta veye nekindu, nokwiita Daudi bugira kivune?

1 Samweli 28:20

Hene yaho Saulo ya gwa na a lambira hasi ligali ku lirova, na ya tia ligali, kigira makuva ga Samweli: na si ya li netsingulu muye; kigira ya vula kulia mbasu gwosi, nobudiku bei.

1 Samweli 28:22

Kunangwa kalunu, nku saaln, ive kandi u hulire mwoyo gwa mukana mutugwa wowo leka nku sundire lidonye lyobukima, na u lagire u duke kunyola tsingulu, lwa u tsia.