1 Samweli 28:18 - KITABU KITAKATIFU

¹⁸ Kigira ive wa vula kuhulira mwoyo gwa Yahova, kandi si wa dukidza ubutima bululu bwibwe ku Amaleki, kigira yaga Yahova u ku koleye inkuva yiyi lero.

1 Samweli 28:18 ပူးပေါင်းရင်းမြစ်များ

1 Avami 20:42

Naye ya mu volera, Yahova a vola ndi, Kigira ive wa leka mundu na a twula mmakono gogo wa nda vika a divi dzwe ligali, kigira yaga mwoyo gugwo gu liitwa mbugono bwomwoyo gwigwe, navandu vovo mbugono bwavandu veve.

1 Kyetsinyinga 10:13

Kunangwa Saulo ya kudza kigira lihyola lilye lya ya hyola no kutinguha Yahova, mu likuva lya Yahova, lya ya vula kugumira; kandi kigira ya teva makuva ku mulala wa shukirwa, ku teva kuye,

Jeremia 48:10

A laamwe uyu u kolanga miyinzi gya Yahova nobugata; a laamwe uyu wigaliranga kivavi kikye ki vule kunyola masahi.

1 Samweli 13:9

Na Saulo ya vola, Ndeteri hano kihaanwa kyokusambwa, nevihaanwa vyemirembe Naye ya haana kihaanwa kyokusamb va.

1 Samweli 15:20

Na Saulo ya volera Samweli, Yee, mbuliye mwoyo gwa Yahova, na nondi ku inzira ya Yahova ya ntuma ku, na mali kuleta Agagi mwami wa Vaamaleki, na ndividzi ligali Vaamaleki.

1 Samweli 15:28

Na Samweli ya mu volera, Yahova u tanduye ubwami bwa Israeli bu twule ku ive lero, naye u heye mulala ku avatende vovo, u veye mulahi kuvita ive.

1 Samweli 15:9

Navutswa Saulo navandu va leka Agagi mwoyo, namagondi aga li amalahi, netsindahi ku tsing'ombe, nevilahi ku vinetu, noku vana vamagondi, na vyosi vi veye vilahi, si va bugirira kuvidividza ligali: navutswa ikindu sa kilala ki ta duka, nevidamano, yivi va vyononnya ligali.