1 Samweli 27:4 - KITABU KITAKATIFU

⁴ Na Saulo ya volerwa, Daudi wiruki kutsia Gathu: naye si ya mwenya kandi.

1 Samweli 27:4 ပူးပေါင်းရင်းမြစ်များ

2 Samweli 15:18

Navatumekiri veve vosi va vita himbi naye; na Vakerethi vosi, na Vapelethi vosi, na Vagiti vosi, avandu tsimia tsitano na indala ava mu londa kutwula Gathu, va vita imbiri womwami.

1 Samweli 26:21

Hene yaho Saulo ya vola, Inze nkoli ubwoni: yirana, Daudi mwana wange; kigira inze si nda ku kolera kindu kidamano kandi mba, kigira livamwoyo lyange lya li nobuguli budinyu imbiri wetsimoni tsitsyo lero: henza, nkoli agobusiru, na nkoli amahyolo ligali.

1 Samweli 27:3

Na Daudi ya menya halala na Akishi ha Gathu, uyu navandu veve, sa mulala na avenyumba yeye, na Daudi navakali veve vaviri, Ahinoam wa Jezireeli, na Abigaili wa Karimeli, mukali wa Nabali.

1 Samweli 27:5

Na Daudi ya volera Akishi, ni mba ni nyoye liverererwa imbiri wetsimoni tsitsyo, va mbe ubwiyangu mu lidala lilala mu kivala, nduke kumenya yo: kigira ki inze mutumekiri wowo a menyanga mu lidala lyobwami halala nive?