1 Samweli 27:12 - KITABU KITAKATIFU

¹² Akishi ya suuvira Daudi, na a vola, Ya kolanga aveve va Israeli va mu dunyire ligali; kigira yaga a la va mutumekiri wange kazozo.

1 Samweli 27:12 ပူးပေါင်းရင်းမြစ်များ

Litanga 34:30

Na Yakobo ya volera Simeoni na Levi, Mwinye mu ndambidzi, nokunkola kufunya ubudamano mu avandu vekivala yiki, hagati ha Vakanani na Vaperizi: na inze mbeye na vakekeke, va levuganya ku inze, nokunduya; na nda diva, inze nenyumba yange.

2 Samweli 10:6

Navana va Amon lwa va lola va gwiye kyokuvihiridza Daudi, avana va Amon va tuma na va lagana litunga lyelihe lya Vasiria va Bethrehobu, na Vasiria va Zoba, avaskari va genda nevirenge tsielfu makumi gaviri, nomwami wa Maaka halala navandu elfu, navandu va Tobu tsielfu likumi na tsiviri.

Kutwula 5:21

ni va va volera, Yahova a henze mwinye, nokumukalagira; kigira mu koli mwoyo gwetu kudunyirwa imbiri wa Farao, na imbiri wa avatumekiri veve, kuvika kivavi mmukono gwavo kukwiita.

1 Samweli 13:4

Na Israeli vosi va hulira, Saulo u duyi lihe lyo lugaga lya Vafilisiti, na Israeli va li ni va veye livihiriridza ku Vafilisiti. Navandu va li ni va vugani halala kulonda Saulo kutsia Gilgali.

1 Samweli 27:11

Na Daudi si ya leka kuva mwoyo musatsa kinga mukali, kumuleta Gathu, na a vola, Gase va la vuula, nokuvola, Ni ndiyo Daudi a kolanga, kandi ni ndiyo miima gyigye gyi veye tsinyinga tsyosi tsya ya menya mu kivala kya Vafilisiti.

1 Samweli 28:1

Na ga duka mmadiku yago, Vafilisiti va vungidza amahe gavo halala kigira ubulwani, kulwana na Israeli. Na Akishi ya volera Daudi, U manye ligali, u la twula kutsia halala ninze mu lihe, ive navandu vovo.