1 Samweli 26:23 - KITABU KITAKATIFU

²³ Na Yahova a la tunga mundu sa mulala ubulungi bwibwe nobusuuvirifu bwibwe; kigira Yahova ya ku vika mmukono gwange lero, na si mbugirira kunyira mukono gwange ku mbakewa Yahova.

1 Samweli 26:23 ပူးပေါင်းရင်းမြစ်များ

2 Samweli 22:21

Yahova ya mba madanyi kuli ubulungi bwange; Kuli butakatifu bwamakono gange ya mpa ndiyo.

2 Samweli 22:25

Kunangwa Yahova u ntungi kuli bulungi bwange, Kuli butakatifu bwange imbiri wetsimoni tsitsye.

1 Avami 8:32

u hulire migulu, u kole, na u kalage hagati ha vatumekiri vovo, ku li ha mageli uyu mudamano, nokuleta inzira yeye ku mutwe gwigwe mwene, nokuha uyu mulungi bulungi, kuli ubulungi bwibwe bu veye.

Nehemia 13:14

U nzidzulitse, O Nyasaye wange, ku inkuva yiyi, kandi u teya vikolwa vyange vilahi vya nda kolera inyumba ya Nyasaye wange, kandi ku vindu vyayo vyega nehidzwa.

Ayubu 34:11

Kigira a la tunga mundu miyinzi gyigye, Na mundu sa mulala a la mu kola kunyola kuli tsinzira tsitsye.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

1 Samweli 24:11

Nokuvita yaga, dada wange, henza, yee, henza ulukigiti lyengubo yoyo mmukono gwange; navutswa inkuva yiyi, yagira ni nkala lukigiti lwengubo yoyo, ni mbula kukwiita, u manye na u lole si ha veye nobudamano kinga ubukyamu mmukono gwange, na mbule kukola bwoni ku ive, kali ive no u seteranga livamwoyo lyange kuligumira.

1 Samweli 24:12

Yahova a kalage hagati hange nive, na Yahova a vanze kisalya ku ive; navutswa mukono gwange gu la vula kuva ku ive.

1 Samweli 24:18

Ive u landidzi lero kuli wa nkolera bulahi, kigira lwa Yahova ya mala kumbika mmukono gugwo, ive wa vula kunziita.

1 Samweli 24:19

Kigira umundu na a nyola musigu wewe, a la mu leka a tsia nemirembe? Kigira yaga Yahova a tunga ive bulahi kigira yaga wa nkolera lero.

1 Samweli 26:11

Yahova a ngaye mbule kunyira mukono gwange ku mbake wa Yahova: navutswa kalunu, mwadza, u vugule litimu li veye ha mutwe gwigwe, nekimuga kya madzi, ku tsie.

1 Samweli 26:22

Na Daudi ya tivula na a vola, Henza litimu, O mwami mulala ku vasoleli yambuke yino yadze kulivugula.

1 Samweli 26:9

Na Daudi ya volera Abishai, U ta mu dividza; kigira ni bwaha u nyala kunyira mukono gwigwe ku mbake wa Yahova, ma a vule kuva nekindu kuye?