1 Samweli 26:21 - KITABU KITAKATIFU

²¹ Hene yaho Saulo ya vola, Inze nkoli ubwoni: yirana, Daudi mwana wange; kigira inze si nda ku kolera kindu kidamano kandi mba, kigira livamwoyo lyange lya li nobuguli budinyu imbiri wetsimoni tsitsyo lero: henza, nkoli agobusiru, na nkoli amahyolo ligali.

1 Samweli 26:21 ပူးပေါင်းရင်းမြစ်များ

2 Avami 1:13

Kandi ya tuma munya mpara wavasikari makumi gatano wa kavaka, halala navasikari veve ma kumi gatano. Munyampara zana wavasikari makumi gatano wa kavaka yanegira igulu, na a tsia na a sigama imbiri wa Elija, nokumugoonya, na a mu volera, Ive mundu wa Nyasaye, nkusaala, livamwoyo lyange, neliva mwoyo lyavatumekiri vovo yava ma kumi gatano, li veye lyobuguli budinyu imbiri wowo.

2 Avami 1:14

Henza, muliru gwa twula migulu, ni gu samba avanyampara vavasikari makumi gatano vaviri vokutanga halala navandu vavo makumi gatano, gatano; navutswa kalunu livamwoyo lyange li ve lyobuguli budinyu imbiri wowo.

Zaburi 116:15

Likudza lyavatakatifu veve Li veye nobukumi mmoni mwa Yahova.

Zaburi 49:8

(Kigira litungira myoyo gyavo li veye linene ligali, Nalyo si li nyalika mihiga nemihiga),

Zaburi 72:14

A la honnya myoyo gyavo gyi twule mu lidambidzwa nomu linuulwa; Na masahi gavo ga la va nobugulibudinyu imbiri wewe:

Kutwula 9:27

Na Farao ya tuma na a langa Musa na Haruni, na a va volera Nkoli ubwoni inyinga yiyi: Yahova a veye mulungi, na inze na avandu vange ku veye avadamano.

Livalidza 22:34

Na Balaam ya volera ingelosi wa Yahova, Inze nkoli ubwoni; kigira si mmanyi ive u singiye ku inzira kuhing'ana ninze: kunangwa kalunu, nu u va nu u ta yanza inze kutsia, ndirana inyima.

Matayo 27:4

na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

1 Samweli 13:13

Na Samweli ya volera Saulo, Wa kola ubusiru; kigira wa vula kugumira lilaga lya Yahova Nyasaye wowo, lya ya ku laga; kigira kalunu Yahova ngano u dinyiridzi ubwami bubwo ku Israeli mihiga nemihiga.

1 Samweli 15:24

Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.

1 Samweli 18:30

Inyinga yeyo avanene wa Vafilisiti va twula: na ga duka, ku tsinyinga tsyosi tsya va twula, Daudi ya kola nobugeeri kuvita avatumekiri vosi va Saulo; na lieta lilye lya li nelidzominywa linene ligali.

1 Samweli 24:17

Na ya volera Daudi, Ive u veye nobulungi kuvi ta inze; kigira ive u mbeye ubulahi, na inze nku heye ubudamano.

1 Samweli 26:22

Na Daudi ya tivula na a vola, Henza litimu, O mwami mulala ku vasoleli yambuke yino yadze kulivugula.

1 Samweli 26:24

Kandi, henza, kuli livamwoyo lilyo li veye linene imbiri wetsimoni tsyange lero, ni ndiyo livamwoyo lyange li veye linene imbiri wetsimoni tsya Yahova, naye a la mbonnya mu kivi kyosi.

1 Samweli 27:4

Na Saulo ya volerwa, Daudi wiruki kutsia Gathu: naye si ya mwenya kandi.