1 Samweli 26:19 - KITABU KITAKATIFU

¹⁹ Kunangwa kalunu, nku saala, munene wange mwami u hulire makuva gomutumwa wowo. Na a va na a veye Yahova u vukidzi ive ku inze, a vugule kihaanwa: navutswa ni va va ni va veye avana vavandu, va laamwe imbiri wa Yahova; kigira va nkungi lero, mbule kuhambana nemiyandu gya Yahova, ni va vola, Tsia u tumekire avanyasaye vandi.

1 Samweli 26:19 ပူးပေါင်းရင်းမြစ်များ

Litanga 44:18

Hene yaho Yuda yisunda himbi kuye, na a vola, O mwami wange, Nku goonya u ndeke inze mutumekiri wowo, mbole likuva mu amatu gomwami wange, na ubutima bwubwo bu ta duka ku mutugwa wowo; kigira ive u veye kuli Farao.

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

2 Samweli 14:16

Ki gira mwami a la hulira, na a la honnya mutumekiri wewe ku mukono gwomusatsa u yanzanga kudividza inze nomwana wange halala, nokuku twulidza ku miyandu gya Nyasaye.

2 Samweli 16:10

Nomwami ya vola, Mbeye na ki ku mwinye, avana va Zeruia? Kigira uyu na a nyega, kigira Yahova u mu voleye, Nyega Daudi; kunangwa ni bwaha a la vola, Kigira ki ive u kola ndi?

2 Samweli 16:11

Na Daudi ya volera Abishai, navatumekiri veve vosi, Henza, mwana wange, wa twula munda mwange yenyanga livamwoyo lyange: nasindi uyu Mubenjamini a la vula ndi kukola ligali kuvita yaga? U mu leke, u mu leke a nyege; kigira Yahova u mu lagi.

2 Samweli 20:19

Inze mbeye ku yavo avemirembe, navasuuvirifu mu Israeli: ive wenyanga kwononya lidala, na mama wa Israeli: kigira ki ive wenyanga kumira miyandu gya Yahova?

2 Samweli 21:3

na Daudi ya volera Vagibeoni, Nda mu kolera ki? Na nda lomba kindu ki kukunika ubwoni, mwinye mu duke kugasidza miyandu gya Yahova?

2 Samweli 24:1

Inyima w a yaga ubutima bwa Yahova bwaaka ku Israeli, naye ya vukidza Daudi kuvo, na a vola, Tsia u validze Israeli na Yuda.

1 Avami 22:22

Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.

1 Kyetsinyinga 21:1

Inyinga yeyo Setani ya vukira Israeli, na a vukidzira Daudi tsiganagani tsyokuvalidza Israeli.

Zaburi 120:5

Ubudinyu bu veye ku inze kigira mmenya mu Mesheki, Kigira mmenya mu mahema ga Kedari.

Zaburi 20:4

A ku he vyomwoyo gugwo gwenyanga, Kandi a dukidze amakuva gogo gosi.

Tsing'ano 30:10

U ta huudzeridza mutugwa ku munene wewe Gase a la ku nyega, na u la loleka kuva nelihyolo.

Isaya 60:5

Hene yaho u la lola nokung'ereng'anywa, na mwoyo gugwo gu la vukidzwa nokuneneha; kigira ubunyingi bwenyanza bu la girunkanywa budze ku ive, buhinda bwavetsihiri bu ladza ku ive.

Kyavalevi 26:31

Na nda kola madala genyu ga gwe vyanyi, na hatakatifu henyu, nda kola hatswa, na si nda funyeridza lifunya lyomwayu gwenyu.

Livalidza 36:7

Na ndiyo si ha la va nemiyandu gya avana va Israeli gyi nyala kutwula ku ihiri indala nokutsia ku ihiri yindi; kigira avana va Israeli va la hambana sa mulala ku miyandu gyehiri ya vaguga veve.

Livalidza 36:9

Kunangwa miyandu si gyi nyala kutwula ku ihiri indala nokutsia ku ihiri yindi; kigira tsihiri tsya avana va Israeli tsi la hambana sa mulala ku miyandu gyigye mwene.

Varumi 14:15

Kigira amwavo wowo na va na a verera kigira vyokulia, su u gendanga mu buyanzi kandi. U tononnya nevyokulia vivyo uyu wa Kristo ya kudzera.

Vagalatia 5:12

Nkano va lyekala avene, yava ava mu hendidzanga myoyo.

Kwidzulitsa 13:3

u ta hulira amakuva gomuprofeti zana mba, kinga muloti wamaloto: kigira Yahova Nyasaye wenyu a mu geridzanga, a duke kumanya ni mu va ni mu yanzanga Yahova Nyasaye wenyu nomwoyo gwenyu gwosi naroho gyenyu gyosi.

2 Timoteo 4:14

Alekisandero mutuli womu gasa ya nkola ubudamano bunyingi: Mwami a la mu tunga kuli miyinzi gyigye.

1 Samweli 18:10

Na ga duka mugamba, roho mudamano gwa twula ku Nyasaye, gwadza ku Saulo netsingulu, naye ya profeta mu inyumba: na Daudi ya kupa ubukana nomukono gwigwe, kuli ya kola lidiku na lidiku. Na Saulo ya li nelitimu mmukono gwigwe;

1 Samweli 24:9

Daudi ya volera Saulo, Kigira ki u huliranga makuva gavandu, ni va vola, Henza, Daudi yenyanga kukukolera budamano?

1 Samweli 25:24

Na ya gwa ha virenge vivye, na a mu volera, Ku inze, munene wange, ubudamano yibu bu ve ku inze; na ive u leke mukana mutugwa wowo, mwadza, mbole mu amatu gogo, na u hulire makuva gomukana mutugwa wowo.

1 Samweli 27:1

Ma Daudi ya vola mmwoyo gwigwe, Ku lidiku lilala nda diva ku mukono gwa Saulo: si ha veye nekindu ki nkonya kuvita liruka lyange nokwingira mu kivala kya Vafilisiti; na Saulo a la twulidza mwoyo gwigwe ku inze, si a li nyenya kandi mu tsinzako tsya Israeli: na ndiyo nda hona ku mukono gwigwe.