1 Samweli 26:15 - KITABU KITAKATIFU

¹⁵ Na Daudi ya volera Abineri, Ive si u veye mundu wobuluviriri? Kandi ni bwaha u veye kuli ive mu Israeli? Kigira ki ive wa vula kulinda munene wowo, mwami? Kigira mundu mulala ku avandu yingira a duke kudividza mwami munene wowo.

1 Samweli 26:15 ပူးပေါင်းရင်းမြစ်များ

2 Samweli 3:38

Nomwami ya volera avatumekiri veve, Mwinye si mu manya mukulundu nomundu munene u gwiye mu Israeli lero?

Danyeli 4:19

Hene yaho Danyeli wa lieta lilye lya li Beliteshazaru, ya genya inyinga inkekeke, na tsiganagani tsitsye tsya mu hulula inkolo. Mwami ya tivula na a vola, Beliteshazaru, u ta leka liloto, kinga livuula lyalyo li ku hulule inkolo. Beliteshazaru ya tivula, na a vola, Mwami wange, liloto li ve ku yavo ava ku dunyira, na livuula lyalyo li ve ku vasigu vovo.

Matayo 26:40

Ya tsia ku ve gidzwi, na a va nyola ni va gona, na a volera Petro, Si mu nyala kulinda ninze isaa indala?

1 Samweli 26:14

Daudi yanira ku vandu, noku Abineri mwana wa Neri, na a vola, Si u tivula kindu, ive Abineri? Hene yaho Abineri ya tivula na a vola, Ni bwaha ive waniranga mwami?

1 Samweli 26:16

Si i veye inkuva indahi ya ive wa kola. Kuli Yahova a veye mwoyo, mwinye mu dukani nelikudza, kigira si mwa linda munene wenyu, mbake wa Yahova. Kunangwa kalunu henze, litimu lyomwami, nekimuga kyamadzi, vya li ha mutwe gwigwe, vi veye haliha?