1 Samweli 26:12 - KITABU KITAKATIFU

¹² Na Daudi ya vugula litimu, nekimuga kyamadzi ha mutwe gwa Saulo; na va tsia: si ha li nomundu wa lola yaga, nokugamanya, kinga si ha li nomundu wa vuka, kigira va li ni va gonanaga vosi; kigira tsindodo tsinene tsitwula ku Yahova, tsya gwa kuvo.

1 Samweli 26:12 ပူးပေါင်းရင်းမြစ်များ

Litanga 15:12

Na liuva lwa ya yera, tsindolo tsinene tsya gumira Abram; kandi, henza, litihidza lyekisundi kinene lya duka kuye.

Litanga 2:21

Kunangwa Yahova Nyasaye ya hila Adamu mu tsindolo tsinene, naye ya gona; na a vugula luvalu lwilwe lulala, na yizulitsa ha zana inyama:

Esther 6:1

Mu budiku yibwo mwami si ya nyola tsindolo; na ya laga kitabu kya mang'oda ga makuva getsinyinga ki letwe, nago ga somwa imbiri womwami.

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

1 Samweli 24:4

Avandu va Daudi va mu volera, Henza, Yili li veye lidiku lya Yahova ya ku volera, Henza, nda vika musigu wowo mmukono gugwo, na u la mu kolera kuli u lola kuva ubulahi. Hene yaho Daudi ya singira, na a kalaga lukigiti lwengubo ya Saulo makiriri.

1 Samweli 26:13

Hene yaho Daudi ya tsia engereka, na a singira ku kigulu ihale ligali; ubwiyangu ubunene bwa li hagati havo;

1 Samweli 26:7

Ma Daudi na Abishai va duka ku avandu ubudiku: na, henza, Saulo ya li na a gonanga hagati ha magari, naye ya li nelitimu lilye ni li singiye hasi ha mutwe gwigwe; na Abineri navandu va gona kumukumbiridza tsimbega tsyosi.