1 Samweli 25:39 - KITABU KITAKATIFU

³⁹ Na Daudi lwa ya hulira Nabali u mali kukudza, ya vola, A gasidzwe Yahova, wa hing'ana na Nabali ku likuva lyelinyegwa lyange, na ya gaya mutumekiri wewe ku budamano: nelikola lidamano lya Nabali, Yahova ya li galukidza ku mutwe gwigwe mwene. Na Daudi ya tuma mundu na a volerana na Abigaili, a duke kumukwa.

1 Samweli 25:39 ပူးပေါင်းရင်းမြစ်များ

2 Samweli 1:16

Na Daudi ya mu volera, Masahi gogo ga veye ku ive, ku mutwe gugwo; kigira munwa gugwo gu ku lolekidii, ni gu vola, Inze nziiti mbake wa Yahova.

1 Avami 2:44

Kandi mwami ya meda kuvolera Shimei, na a vola, Widzulitsa ubudamano bwosi bwo mwoyo gugwo gu manya, bwa wa kolera dada wange Daudi: kigira yaga Yahova a lirannya ubudamano bubwo ku mutwe gugwo mwene.

Esther 7:10

Kunangwa va sunga Haman ku musala gwa ya lombera Mordekai. Ma ubutima bwo mwami bwa vomboloka.

Esther 9:25

na vutswa lwa inkuva yiyi ya duka imbiri womwami ya haana munwa mu tsibaruwa tsiganagani tsindamano, tsya ya ganagana ku Vayuda, tsi galuke ku mutwe gwigwe, na uyu navana veve va sungwa ku kisunga.

Zaburi 7:16

Kivi kikye ki lirana ku mutwe gwigwe, Na kirage kikye ki lika ku lwote lwilwe.

Zaburi 9:5

Ive u gondokeye tsihiri, u dividzi avadamano, Weyi lieta lyavo mihiga ne mihiga.

Tsing'ano 18:22

Ku vosi uyu u nyola mukali a nyola kindu kilahi, Naye a nyola ubulahi ku Yahova.

Tsing'ano 19:14

Inyumba na ubutugi nigyo miyandu gyi twula ku vadada; Navutswa mukali weliva lyobugeeri a twula ku Yahova.

Tsing'ano 22:23

Kigira Yahova a la vanza likuva lyavo, Nokulanya livamwoyo lya yavo ava va lanya.

Tsing'ano 31:10

Ibwaha u nyala kunyola mukali wobunyali bulahi? Kigira liduka lilye li vitanga ubudukanu bwa magina makanyu.

Tsing'ano 31:30

Ubulahi bu gadanga, na ligondo li veye lyavutswa; Navulswa mukali u tidzanga Yahova, a lidzominywa.

Lwimbu lwa Solomoni 8:8

Kwinye ku veye namwavo wetu muke, Naye a kikiri kutwula tsimbeere: Ku la mu kolera ndi amwavo wetu muke Ku lidiku lya yenywa?

Mika 7:9

Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe.

2 Vakorintho 13:7

Kalunu ku saala Nyasaye mu vule kukola ubudamano; si ga li kwinye ku duke kubugirirwa, navutswa mwinye mu kole aga veye malahi, kali ni ku veye kuli avasuleywi.

1 Vatesalonike 5:23

Nyasaye mwene wemirembe a mu takase ligali; na mwinye mu sidzwe roho nomwoyo nomubiri bugira kindu kidamano, mu lidza lyo Mwami wetu Yesu Kristo.

2 Timoteo 4:18

Mwami ya mbonnya mu miyinzi gyosi midamano, nokuninda kuduka mu bwami bwibwe bwomigulu: wo bukumi bu veye kuye mihiga nemihiga. Amini.

Vakalagi 5:2

Kigira avanene avimiri mu Israeli, Kigira avandu ave haana avene nobulaliri, Mu gasidze Yahova.

1 Samweli 24:15

Kunangwa Yahova a ve mukalagi, a kalage hagati hange nive, na a lole, na a vere makuva gange, na a mbonnye ku mukono gugwo.

1 Samweli 25:26

Kunangwa kalunu, munene wange, kuli Yahova a veye mwoyo, na kuli ive mwene u veye mwoyo, kigira Yahova u ku gayi u ta sundula i masahi, kandi u tevanzira kisalya nomukono gugwo mwene, kunangwa kalunu avasigu vovo vosi, navandu ava kwenyeranga likuva lidamano ku ive, va ve kuli uyu Nabali.

1 Samweli 25:32

Na Daudi ya volera Abigaili, A gasidzwe Yahova, Nyasaye wa Israeli, wa tuma ive lero kwagana ninze:

1 Samweli 25:34

Kigira ligali, kuli Yahova, Nyasaye wa Israeli, a veye mwoyo, wa gaya inze mbule kukusaliridza, nu u va wa vula kukola bwangu kuduka kuvugana ninze, ligali uyu Nabali, ngano si a tigala nekindu, kali mwana muyai mulala inyinga ya bwa kya.

1 Samweli 25:40

Na lwa avatumekiri va Daudi va duka ku Abigaili ha Karimeli, va volerana naye, nokumuvolera Daudi u ku tumi ku duke ku ive, ku ku hile u ve mukali wewe.

1 Samweli 26:10

Kandi Daudi ya vola, Kuli Yahova a veye mwoyo, Yahova a la mu duya; kinga lidiku lilye lyelikudza li la duka; kinga a la sulunguta mbulwani, na a la diva.