1 Samweli 25:34 - KITABU KITAKATIFU

³⁴ Kigira ligali, kuli Yahova, Nyasaye wa Israeli, a veye mwoyo, wa gaya inze mbule kukusaliridza, nu u va wa vula kukola bwangu kuduka kuvugana ninze, ligali uyu Nabali, ngano si a tigala nekindu, kali mwana muyai mulala inyinga ya bwa kya.

1 Samweli 25:34 ပူးပေါင်းရင်းမြစ်များ

Litanga 20:6

Na Nyasaye ya mbolera mu lilota, Yee, mmanya wa kola yaga mbulungi bwomoyo gugwo, na Inze kandi nda ku gayidza u vule kukola ku inze ubwoni: kigira yaga si nda ku lekera ubwiyangu kumudira.

Joshua 10:6

Na avasatsa va Gibeon va tuma vatumwa ku Joshua kuduka hokusosa ha Gilgali, ni va mbolera, U ta lindagiridza mukono gugwo ku avatumekiri vovo; wanegire bwangu ku kwinye, kukuhonnya, nokukukonya: kigira avami vosi va Vaamori ava menyanga mu kivala kyevigulu va ku twulira halala.

Joshua 10:9

Ma Joshua ya duka kuvo nonoho; kigira yanegira kutwula Gilgali ubudiku bei.

1 Samweli 11:11

Kunangwa mugamba, Saulo ya gavula avandu viduma vivaka; na vingira hagati hamahema mu bulindi bwomugamba, na va kuya Vaamon kuduka inyinga yombasu gwa lula: na ga duka, yavo va tigala va salanywa, ga luha ga duka vaviri si va tigala halala mba.

1 Samweli 25:18

Hene yaho Abigaili ya kola bwangu, na a vugula milango gyobukima tsimia tsiviri, netsimuya tsiviri tsyewaini, namagondi gatano ga mali kwiitwa ga tegekeywi, nevigero vitano vyobuswage bu kalange, nevisaganyi mia vyemizabibu, netsimango tsyamakuyu tsimia tsiviri, na ya vi vika ku tsisukiri.

1 Samweli 25:22

Nyasaye a kolere ndiyo avasigo va Daudi vosi, nokuvita, ni mba ni ndeka ku yavo vosi ava veye aveve kali mwana mulala muyai, kuduka inyinga bukya.

1 Samweli 25:26

Kunangwa kalunu, munene wange, kuli Yahova a veye mwoyo, na kuli ive mwene u veye mwoyo, kigira Yahova u ku gayi u ta sundula i masahi, kandi u tevanzira kisalya nomukono gugwo mwene, kunangwa kalunu avasigu vovo vosi, navandu ava kwenyeranga likuva lidamano ku ive, va ve kuli uyu Nabali.

1 Samweli 25:39

Na Daudi lwa ya hulira Nabali u mali kukudza, ya vola, A gasidzwe Yahova, wa hing'ana na Nabali ku likuva lyelinyegwa lyange, na ya gaya mutumekiri wewe ku budamano: nelikola lidamano lya Nabali, Yahova ya li galukidza ku mutwe gwigwe mwene. Na Daudi ya tuma mundu na a volerana na Abigaili, a duke kumukwa.