1 Samweli 25:29 - KITABU KITAKATIFU

²⁹ Kandi ni i va mundu a singira kukulonda, nokwenya livamwoyo lilyo, navutswa livamwoyo lilyo, munene wange, li la bofwa mu liboha lyelivamwoyo halala nelivamwoyo lya Yahova Nyasaye wowo: nemyoyo gya avasigu vovo, a la gyi syuva kyova, kuli lisyuvwa lyeligina hagati holukova.

1 Samweli 25:29 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

2 Samweli 4:8

Ni va leta mutwe gwa Ishboshethu ku Daudi ha Hebironi, na va volera mwami, Henza, ku veye nomutwe gwa Ishboshethu mwana wa Saulo, musigu wowo, wa li kwenya livamwoyo lilyo; Yahova u vanziyi umunene wange mwami kisalya lero ku Saulo, noku kisukululwi kikye.

Ayubu 27:22

Kigira Nyasatle a la sikisa kuye, na si a la mu vererera mba: Nkano a yanza kwiruka a twule mmukono gwigwe.

Zaburi 116:15

Likudza lyavatakatifu veve Li veye nobukumi mmoni mwa Yahova.

Zaburi 54:3

Kigira avageni va vuki ku inze, Na avandu avekirage venyi mwoyo gwange: Si va viki Nyasaye imbiri wavo mba. [Selaha

Zaburi 66:9

U vikanga mwoyo gwetu mu bulamu, Na si a leka virenge vyetu kudengeya.

Jeremia 10:18

Kigira Yahova a vola ndi, Henza, inyinga yiyi nolukova lwokulasa nda ta avamenyi ku kivala yiki, nda va dambidza, va hulire kivi.

Malaki 3:17

Navo va la va avange, Yahova wa mahe a vola, mu lidiku yilyo, lya ntovola miyandu gyange; na nda va vererera, kuli mundu a verereranga mwana wewe u mu tume kiranga.

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:23

inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Kwidzulitsa 33:29

U veye nobwelemeridzi, ive Israeli: Ibwaha u leng'ana na ive, avandu va Yahova ya honya, Ingavo yobukonyi bubwo, Kandi kivavi kyobukumi bubwo Avasigu vovo va legehidza ku ive; Na u la duvaga ha diguluku havo.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

1 Samweli 2:9

Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.