1 Samweli 25:28 - KITABU KITAKATIFU

²⁸ Mwadza, u samehe ubukyamu bwange, inze mukana mutugwa wowo: kigira Yahova ligali a la ku lombera ive, munene wange, inyumba inkulumamu, kigira ive, munene wange, u lwananga ubulwani bwa Yahova; kandi ubudamano si bu la loleka mu ive tsinyinga tsitsyo tsyosi.

1 Samweli 25:28 ပူးပေါင်းရင်းမြစ်များ

2 Samweli 5:2

Inyinga ya matsyambiri, lwa Saulo ya li mwami ku kwinye, ni ive wimirira Israeli va twula nokuvingiridza: na Yahova ya ku volera, Ive u la va mwayi wavandu vange Israeli, na u la va munene ku Israeli.

2 Samweli 7:11

kuli kutwula ku lidiku lya nda laga avakalagi va ve ku avandu vange Israeli; nda ku ha bwelemeridzi ku vasigu vovo vosi. Kuvita yaga Yahova a ku voleranga, Yahova a la ku lombere inyumba.

2 Samweli 7:16

Nenyumba yoyo nobwami bubwo vi la dinyeridzwa mihiga nemihiga imbiri wowo: nentebe yoyo yobwami i la dinye ridzwa mihiga nemihiga.

2 Samweli 7:27

Kigira ive, O Yahova wa mahe, Nyasaye wa Israeli, u vuliye inze mutumekiri wowo, na u vola, Inze nda kwombakira inyumba: ki gira yaga inze mutumekiri wowo ndoli mmwoyo gwange nku saale lisaala yili.

1 Avami 15:3

Ya genda mu ubwoni bwosi bwa dada wewe, ya tanga kukola imbiri wewe; mwoyo gwigwe si gwa li mudukiru halala na Yahova Nyasaye wewe, kuli mwoyo gwa dada wewe Daudi.

1 Avami 15:5

kigira Daudi ya kola bulungi imbiri wa Yahova, si ya girunkana kuleka likuva lya Yahova madiku gosi gelivamwoyo lilye, ni ga ta li ku likuva lya Uria Muhiti lyeng'ine.

1 Avami 9:5

hene yaho nda dinyeridza intebe yobwami bubwo ku Israeli mihiga nemihiga, kuli nda laga dada wowo Daudi, ni mbola, Si u la gehera mundu musatsa ku intebe yobwami ya Israeli.

1 Kyetsinyinga 17:10

na kuli kutwula ku lidiku lya nda laga avakalagi va ve k u avandu vange Israeli; nda gehidza avasigu vovo vosi. Kuvita yaga nku voleranga Yahova a lombakira ive inyumba.

1 Kyetsinyinga 17:25

Kigira ive, O Nyasaye wange, u mali kuvuulira mutumekiri wowo u la mwombakira inyumba: kigira yaga mutumekiri wowo u nyoye mu mwoyo guigwe lisaala imbiri wowo.

2 Kyetsinyinga 20:15

na a va volera, Mu hulire, mwinye Vayuda vosi, na ava menya Yerusalemi, na ive mwami Jehoshafatu: Yahova a mu volera yaga, Mu ta tia mba, kandi mu ta kudza mwoyo kigira kiduma kinene yiki; kigira ubulwani si bu veye bwenyu, navutswa bu veye bwa Nyasaye.

Zaburi 7:3

O Yahova Nyasaye wange, ni mba ni nda kola yibu; Na mmakono gange ni mu va ni mu veye nobukyamu;

Zaburi 89:29

Kisukululwi kikye kandi nda kola kumenya mihiga nemihiga, Na intebe yeye yobwami kuli madiku gomigulu.

Livalidza 23:21

Si a loli ubudamano mu Yakobo; Kandi si a loli ubukyamu mu Israeli: Yahova Nyasaye wewe a veye halala naye, Na lihanzuka lyomwami li veye hagati havo.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Luka 23:41

Na ligali ga ku dukira kwinye; kigira kwinye ku koleywi ki dukana nemi yinzi gyetu: navutswa mundu uyu si ya kola kindu kidamano mba.

Luka 23:47

Munyampara, lwa a lola aga kolwa, yidzominya Nyasaye, na a vola, Ligali uyu ya li mundu mulungi.

1 Samweli 15:28

Na Samweli ya mu volera, Yahova u tanduye ubwami bwa Israeli bu twule ku ive lero, naye u heye mulala ku avatende vovo, u veye mulahi kuvita ive.

1 Samweli 17:47

neviduma yivi vyosi vi duke kumanya Yahova si a honnyanga nekivavi nelitimu: kigira bulwani nobwa Yahova, naye a la mu vika mu makono getu.

1 Samweli 18:17

Na Saulo ya volera Daudi, Henza, mwana wange munene Meraba, nda ku ha mukana wange uyu a ve mukali wowo: navutswa ive u ve muluviriri kigira inze, u lwane ubulwani bwa Yahova, yaga geng'ine. Kigira Saulo ya vola, Mukono gwange gu vule kuva kuye, navutswa amakono ga Vafilisiti ga ve kuye.

1 Samweli 2:35

Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.

1 Samweli 22:14

Hene yaho Ahimeleku ya tivulira mwami, na a mu volera, Ku vatumekiri vovo vosi, u li ha kuvo u veye musuuvirifu ku leng'ana na Daudi, u veye navizala womwami, wa bugirirwa mu makuva gogo, welidzominywa mu inyumba yoyo?

1 Samweli 24:11

Nokuvita yaga, dada wange, henza, yee, henza ulukigiti lyengubo yoyo mmukono gwange; navutswa inkuva yiyi, yagira ni nkala lukigiti lwengubo yoyo, ni mbula kukwiita, u manye na u lole si ha veye nobudamano kinga ubukyamu mmukono gwange, na mbule kukola bwoni ku ive, kali ive no u seteranga livamwoyo lyange kuligumira.

1 Samweli 24:17

Na ya volera Daudi, Ive u veye nobulungi kuvi ta inze; kigira ive u mbeye ubulahi, na inze nku heye ubudamano.

1 Samweli 24:21

Kunangwa kalunu u nzisuhire ku Yahova, u la vula kukalaga kisukululwi kyange inyima wange, na u la vula kudividza lieta lyange kutwula mu inyumba ya dada wange.

1 Samweli 24:4

Avandu va Daudi va mu volera, Henza, Yili li veye lidiku lya Yahova ya ku volera, Henza, nda vika musigu wowo mmukono gugwo, na u la mu kolera kuli u lola kuva ubulahi. Hene yaho Daudi ya singira, na a kalaga lukigiti lwengubo ya Saulo makiriri.

1 Samweli 25:24

Na ya gwa ha virenge vivye, na a mu volera, Ku inze, munene wange, ubudamano yibu bu ve ku inze; na ive u leke mukana mutugwa wowo, mwadza, mbole mu amatu gogo, na u hulire makuva gomukana mutugwa wowo.

1 Samweli 29:3

Hene yaho avanene va Vafilisiti va teva, Vahebraina yava va kola ki hano? Na Akishi ya volera vanene va Vafilisiti, Uyu si a veye Daudi, mutumekiri wa Saulo, mwami wa Israeli, u veye halala ninze madiku yaga, kinga mihiga yigyi, na si ndola ubudamano kuye kutwuia inyinga ya ya gwa ku inze kuduka lero?

1 Samweli 30:26

Na lwa Daudi ya duka Ziklagu, ya hilira avakulundu va Yuda vindu vilala ku vilanye, ku valina veve, na a vola, Henzi, ndeta ku mwinye kihaanwa ku vilanye vya avasigu va Yahova: