1 Samweli 25:26 - KITABU KITAKATIFU

²⁶ Kunangwa kalunu, munene wange, kuli Yahova a veye mwoyo, na kuli ive mwene u veye mwoyo, kigira Yahova u ku gayi u ta sundula i masahi, kandi u tevanzira kisalya nomukono gugwo mwene, kunangwa kalunu avasigu vovo vosi, navandu ava kwenyeranga likuva lidamano ku ive, va ve kuli uyu Nabali.

1 Samweli 25:26 ပူးပေါင်းရင်းမြစ်များ

Litanga 20:6

Na Nyasaye ya mbolera mu lilota, Yee, mmanya wa kola yaga mbulungi bwomoyo gugwo, na Inze kandi nda ku gayidza u vule kukola ku inze ubwoni: kigira yaga si nda ku lekera ubwiyangu kumudira.

2 Samweli 18:32

Mwami ya teva Mukushi, Muyai Abisalom a veye mulamu naho? Na Mukushi ya tivula, Avasigu vomunene wange mwami, na vosi ava singiranga kwononya nive, va ve kuli musoleli uyu a veye.

2 Avami 2:2

Elija ya volera Elisha, Wikale hano, mwadza; kigira Yahova u ntumi kuduka Beth-eli. Elisha ya vola, Kuli Yahova a veye mwoyo, na kuli ive u veye mwovo, si nda ku leka mba. Ma va sulunguta Beth-eli.

2 Avami 4:6

Na ga duka, lwa vya mala kwizula, ya volera mwana wewe, Leta kindi. Ya mu volera, Si ha veye nekindi mba. Na maguta ga kalidzira.

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Tsing'ano 31:12

Mukali wewe a mu kolera bulahi, si a mu kolera ubudamano mba Madiku gege gosi gelimenya lilye.

Jeremia 29:22

noku makuva gavandu yavo vombi, li la volwa kuvo lilaamwa li twula ku vahambe va Yuda vosi ava veye mu Babuloni; kuvola, Yahova a kole ive kuli Zedekia kandi kuli Ahabu avomwami wa Babuloni yominya ku muliru;

Danyeli 4:19

Hene yaho Danyeli wa lieta lilye lya li Beliteshazaru, ya genya inyinga inkekeke, na tsiganagani tsitsye tsya mu hulula inkolo. Mwami ya tivula na a vola, Beliteshazaru, u ta leka liloto, kinga livuula lyalyo li ku hulule inkolo. Beliteshazaru ya tivula, na a vola, Mwami wange, liloto li ve ku yavo ava ku dunyira, na livuula lyalyo li ve ku vasigu vovo.

Vahebraina 10:30

Kigira ku manya uyu wa vola, Isira ni yange, nda tunga. Kandi agandi, Mwami a la kalagira avandu veve.

1 Samweli 1:26

Nomukali uyu ya mu volera, O, mwami wange, kuli ive u veye mwoyo, mwami wange, inze mbeye mukali wa singira imbiri wowo hano, lwa nda saalanga Yahova.

1 Samweli 2:9

Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.

1 Samweli 20:16

Kunangwa Jonathan ya kola lilagana nenyumba ya Daudi, na a vola, Yahova a la ga vanza ku makono gavasigu va Daudi.

1 Samweli 20:3

Na Daudi yesuha, na a vola, Dada wowo a manya ligali inze nyoye liverwa imbiri wetsimoni tsitsyo; naye a volanga, Mu ta leka Jonathan a manye kindu yiki mba, gase a la mu vererera: navutswa ligali, kuli Yahova a veye mwoyo, na kuli mwoyo gugwo gu veye mwoyo, li veye ho ligenda lilala lyeng'ine hagati hange nelikudza.

1 Samweli 22:3

Inyinga yeyo Daudi ya tsia Mizipe lya Moabu: na ya volera mwami wa Moabu, Mwadza, u bugirire dada wange na mama wange, va twule ha va veye, va ve halala nive kuduka inyinga ya ndi manya kya Nyasaye a li kolera inze.

1 Samweli 25:25

Mwadza, umunene wange, u ta henza muyingwa, uyu Nabali, kigira kuli lieta lilye li veye, ni ndiyo a veye; Nabali ni lieta lilye, nobusiru bu veye naye; navutswa inze mukana mutugwa wowo, si nda lola vasoleli vomunene wange, ava wa leta.

1 Samweli 25:39

Na Daudi lwa ya hulira Nabali u mali kukudza, ya vola, A gasidzwe Yahova, wa hing'ana na Nabali ku likuva lyelinyegwa lyange, na ya gaya mutumekiri wewe ku budamano: nelikola lidamano lya Nabali, Yahova ya li galukidza ku mutwe gwigwe mwene. Na Daudi ya tuma mundu na a volerana na Abigaili, a duke kumukwa.

1 Samweli 26:10

Kandi Daudi ya vola, Kuli Yahova a veye mwoyo, Yahova a la mu duya; kinga lidiku lilye lyelikudza li la duka; kinga a la sulunguta mbulwani, na a la diva.