1 Samweli 25:23 - KITABU KITAKATIFU

²³ Na lwa Abigaili ya lola Daudi, ya kola bwangu kwika ku isukiri yeye, na ya gwa mammama imbiri wa Daudi, na yinama hasi.

1 Samweli 25:23 ပူးပေါင်းရင်းမြစ်များ

2 Samweli 1:2

noku lidiku lya kavaka, henza, ya duka musatsa mulala ya twula mu hokusosa ha Saulo, naye tsingubo tsitsye tsya tandulwa, na ya li namarova ku mutwe gwigwe: na ga duka, lwa ya duka ku Daudi, ya gwa hasi, nokumsigamira.

2 Samweli 14:4

Kunangwa mukali wa Tekoa lwa ya volera mwami, ya gwa hasi ma mmama, na a sigamira, na a vola, U nkonye, O mwami.

2 Samweli 18:28

Na Ahimaazu ya hanzuka, na a volera mwami, Gyi veye mirembe. Naye yinaminya mwene imbiri wo mwami, ya henzidza hasi mmoni mwimwe, na a vola, A gasidzwe Yahova Nyasaye wowo, wa twulidza avandu yavo ava ginga makono gavo ku ive, munene wange mwami.

2 Samweli 9:6

Na Mefiboshethu, mwana wa Jonathan, mwana wa Saulo, ya duka ku Daudi, na a gwa mammama, na a sigamira. Na Daudi ya vola, Mefiboshethu. Naye ya bugira, Henza, mbeye hano, mutumekiri wowo

1 Kyetsinyinga 21:21

Na Daudi lwa ya tsia ku Orinan, Orinan ya henza na a lola Daudi, na ya twula ku lodze, na yinama imbiri wa Daudi na mmoni mwimwe mwa henza hasi.

Joshua 15:18

Na ga duka, lwa mukali uyu ya tsia kuye, ya mu volera a saale umulimi ku dada wewe: na yika ku isukiri yeye; na Kalebu ya mu teva, Wenya ki?

Vakalagi 1:14

Kunangwa, lwa ya tsia kumenya naye, ya mu goonya a saale dada wewe mulimi: nomukali yika ku isukiri yeye; na Kalebu ya mu teva, Wenya ki?

Ruth 2:10

Naye ya gwa mammama, na yinama ku lirova, nokuvolera Boaz, kigira ki inze nyoye tsimbabasi imbiri wowo, kuduka u nzidzuliye, na inze mbeyemugeni?

1 Samweli 20:41

Nonoho umuyai lwa ya mala kutsia, Daudi ya twulira ku luvega lwa Kusini, na ya gwa hasi mammama, naye yinama hali kavaka: na va busana, nokulilirana, uyu no uyu, kuduka Daudi na a kira.

1 Samweli 24:8

Na Daudi ya singira lwenyima, na a twula mu luhangaywa, naye yanira Saulo, na a vola, O mwami, mwami wange. Na Saulo lwa ya henza inyima, Daudi yinama na henzidza mumoni mwimwe hasi, na sigamira.

1 Samweli 25:24

Na ya gwa ha virenge vivye, na a mu volera, Ku inze, munene wange, ubudamano yibu bu ve ku inze; na ive u leke mukana mutugwa wowo, mwadza, mbole mu amatu gogo, na u hulire makuva gomukana mutugwa wowo.

1 Samweli 25:41

Naye ya singira, na yeyinaminya kuduka hasi, na a vola, Henza, inze mukana mutugwa wowo mbeye mutumekiri wokusinga virenge vyavatumekiri vomunene wange.