1 Samweli 25:21 - KITABU KITAKATIFU

²¹ Ma Daudi ya li na a vola, Ligali gyi veye gya vutswa nda linda vyosi vya uyu a veye navyo mwigendanyama, kuduka si ha veye nekilala kya gota ku butugi bwibwe bwosi: naye u ntungi ubudamano mbugono bwobulahi.

1 Samweli 25:21 ပူးပေါင်းရင်းမြစ်များ

Litanga 44:4

Lwa va mala kutwula mu lidala, ni va kikiri kwisunda ihale, Yosefa ya volera mulindi wenyumba yeye, U londerere avandu yava; na lwa u va nyola, u va volere, Kigira ki mu tungi ubudamano ku bulahi?

Ayubu 30:8

Va vene avana vavasiru, yee, avana vavadamano; Va kuywa netsinkova va twule mukivala yikyo.

Zaburi 35:12

Va ntunga ubudamano ku bulahi, Kuvereridza mwoyo gwange.

Zaburi 37:8

Leka livihirirwa, na u twulidze ubutima: Mwoyo gu ta ku samba, u luhe u duke mu budamano.

Zaburi 38:20

Na yavo ava tunganga ubudamano ku bulahi Va veye avahing'ani ku inze, kigira nondanga agobulahi.

Tsing'ano 17:13

Ku vosi uyu u tunga ubudamano mbugono bwobulahi, Ubudamano si bu la twula mu inyumba yeye.

Jeremia 18:20

Ubudamano bu tungwe mbugono bwobulahi naho? Kigira va yaviye mwoyo gwange ubogo. Widzulitse kuli nda singira imbiri wowo kuvola ubulahi kigira yavo, nduke kugirunkannya ubutima bubwo bu vule kuvanyola.

Varumi 12:21

Ubudamano bu ta mu guuta, navutswa ubudamano mu guutire ubulahi.

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

Vafeso 4:31

Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi:

1 Vatesalonike 5:15

Mu henze mundu kali mulala a ta tunga wundi kali mulala ubudamano ku budamano; navutswa mu londe kazozo ki veye kilahi mwinye avene navene, kandi ku vosi.

1 Petro 3:17

Kigira nu bulahi kuvita kusaliridzirwa ku likola bulahi, ubulaliri bwa Nyasaye ni bu va ni bu lalira, kuvita kusaliridzirwa ku likola ubudamano.

1 Petro 3:9

ava ta tungana ubudamano ku budamano, kinga manyego ku manyego; navutswa lyavukana na yago mu gasidzane; kigira mwa langirwa yaga, mu duke kulia miyandu gyobugasu.

1 Samweli 25:13

Na Daudi ya volera avandu veve, Mundu sa mulala yebohe kivavi kikye. Navo veboha mundu sa mulala kivavi kikye; na Daudi yeboha kivavi kikye: navo vanegira kulondana na Daudi va li avandu va duka kuli tsimia tsine; ne tsimia tsiviri va tigala kulinda vindu vyavo.

1 Samweli 25:15

Navutswa avandu yavo va ku kolera bulahi ligali, na kwinye si kwa nyola lisaleridza, kinga si kwa gota kindu kali kilala, inyinga yosi ya kwa menya navo, lwa kwa li mu kiguti:

1 Samweli 25:20

Na ga duka, lwa ya gendanga ku isukiri yeye, nokusulunguta himbi nelivona lyekigulu, henza, Daudi navandu veve va sulunguta kwisunda himbi kuye; naye ya vugana navo.

1 Samweli 25:7

Na kalunu mbuliye ive u veye navandu va kalaganga ubwoya bwamagondi: avayi vovo va li halala na kwinye, na si kwa va kolera kindu kidamano, kinga si va geherwa kindu kali kilala kuvo, inyinga yosi ya va li mu Karimeli.