1 Samweli 25:17 - KITABU KITAKATIFU

¹⁷ Kunangwa kalunu u manye nokuganagana ga wenya kukola; kigira budamano bu tovoleywi ku munene wetu, noku inyumba yeye: kigira uyu a veye muyingwa, kuduka mundu si a nyala kuvolerana naye.

1 Samweli 25:17 ပူးပေါင်းရင်းမြစ်များ

2 Samweli 24:13

Ma Gadi ya tsia ku Daudi, na a mu volera, naye ya vola, Mihiga gyitano nagyiviri gyenzala gyi duke ku ive, noku kivala kikyo? Naho wiruke myeli gyivaka imbiri wavasigu vovo lwa va ku kunga? Naho ga ve ho madiku gavaka ageli duya lyobulwaye mu kivala kikyo? Kalunu u kole makuva, u ganagane ni litivula ki lya mbilira uyu wa ntuma.

1 Avami 21:10

na mu singeridze vaviri, avana va Beliali, imbiri wewe, va lolekidze kuye, va vole, Ive wa nyega Nyasaye nomwami halala. Hene yaho mu mu hile kyova nokumulasa magina, a duke kukudza.

1 Avami 21:13

Navandu vaviri, avana va yingu, vingira na vikala imbiri wewe: ma avandu va yingu va lolekidza kuye, ku Nabothu imbiri wavandu, ni va vola, Nabothu ya nyega Nyasaye nomwami. Hene yaho va mu hila kyova welidala, nokumulasa magina na a kudza.

2 Kyetsinyinga 13:7

Na va vugana kuye avandi vamakuva ga vutswa, avadamano, vekola netsingulu ku Rehoboam mwana wa Solomoni, lwa Rehoboam ya li mwana muyai nomwoyo mudoto, na si a nyala kuvagaya.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Esther 7:7

Na mwami ya singira nobutima bwibwe, kuleka lilia lyewaini na a tsia mmu limi gwenyumba yomwami: na Haman ya singira kusaala ku Esther livamwoyo lilye; kigira ya lola mwami u saaviye ubudamano kuye.

Tsing'ano 12:8

Mundu a lidzominywa kuli kigero kyobugeeri bwibwe; Navutswa uyu womwoyo gwobukyamu a la legwa.

Kwidzulitsa 13:13

Avalala ku vadamano va loleki hagati hoho, va hinulanga avandu velidala lyavo, ni va vola, Gendi ku tsie kusigamira vanyasaye vandi, ava mu ta manya;

Vakalagi 19:22

Na lwa va sangalidza myoyo gyavo, henza, avandu avasatsa velidala, avalala avana vadamano, va kumberidza inyumba yeye tsimbega tsyosi, nokuduya muliango; na va volera munene wenyumba, musakulu, nokumuvolera, U lete kyova musatsa u duki mu inyumba yoyo, ku duke kumumanya.

1 Samweli 10:27

Navutswa avandu vandi avekihenyehenye va vola, Mundu uyu a la kuhonnya ndi? Navo va mu lega, na si va mu letera kihaanwa. Navutswa ya kiring'ana.

1 Samweli 2:12

Navana va Eli va li vadamano; si va manya Yahova.

1 Samweli 20:7

Na a va na a vola, Nobulahi; inze mutumekiri wowo nda va nemirembe: navutswa na a va na a vihirirwa, hene yaho u manye u saaviye ubudamano.

1 Samweli 20:9

Na Jonathan ya vola, Yaga ga ve ihale ku ive; kigira ni mba ni mmanya dada wange u saaviye kukukolera ubudamano, Dgano si nda ka ku volera?

1 Samweli 25:16

va li lidigi ku kwinye inyinga yobudiku nombasu halala, tsinyinga tsyosi tsya kwa li halala navo kwaya magondi.

1 Samweli 25:18

Hene yaho Abigaili ya kola bwangu, na a vugula milango gyobukima tsimia tsiviri, netsimuya tsiviri tsyewaini, namagondi gatano ga mali kwiitwa ga tegekeywi, nevigero vitano vyobuswage bu kalange, nevisaganyi mia vyemizabibu, netsimango tsyamakuyu tsimia tsiviri, na ya vi vika ku tsisukiri.

1 Samweli 25:25

Mwadza, umunene wange, u ta henza muyingwa, uyu Nabali, kigira kuli lieta lilye li veye, ni ndiyo a veye; Nabali ni lieta lilye, nobusiru bu veye naye; navutswa inze mukana mutugwa wowo, si nda lola vasoleli vomunene wange, ava wa leta.