1 Samweli 24:4 - KITABU KITAKATIFU

⁴ Avandu va Daudi va mu volera, Henza, Yili li veye lidiku lya Yahova ya ku volera, Henza, nda vika musigu wowo mmukono gugwo, na u la mu kolera kuli u lola kuva ubulahi. Hene yaho Daudi ya singira, na a kalaga lukigiti lwengubo ya Saulo makiriri.

1 Samweli 24:4 ပူးပေါင်းရင်းမြစ်များ

2 Samweli 4:8

Ni va leta mutwe gwa Ishboshethu ku Daudi ha Hebironi, na va volera mwami, Henza, ku veye nomutwe gwa Ishboshethu mwana wa Saulo, musigu wowo, wa li kwenya livamwoyo lilyo; Yahova u vanziyi umunene wange mwami kisalya lero ku Saulo, noku kisukululwi kikye.

Ayubu 31:31

Avandu vomulihema lyange ni va va ni va vula kuvola, Ni bwaha u nyala kunyola mulala u vuli kwiguta inyama yevyokulia vivye?

Zaburi 142:1

Nzanira Yahova nomwoyo gwange; Nsaala Yahova nomwoyo gwange.

Zaburi 57:1

U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

Kutwula 21:13

Na mundu na a va na a ta goneka, navutswa Nyasaye a mu vika mu mukono gwigwe; hene yaho nda ku mannya ha a nyala kwirukira.

1 Samweli 22:1

Kunangwa Daudi ya twula ha zana, ni yirukira mu luhangaywa lwa Adulam: navamwavo veve, navenyumba yosi ya dada wewe, lwa va hulira va tsia kuye ha zana.

1 Samweli 23:17

Naye ya mu volera, U ta tia mba; kigira mukono gwa Saulo dada wange si gu la ku nyola mba; na ive u la va mwami ku Israeli, na inze nda va wa kaviri ku ive; na Saulo dada wange u mali kumanya yaga.

1 Samweli 23:7

Na Saulo ya volerwa Daudi u duki Keila. Na Saulo ya vola, Nyasaye u mu viki mu mukono gwange; kigira u boheywi mu, kigira wingiye mu lidala li veye neviribwa na maliva.

1 Samweli 24:10

Henza, lero tsimoni tsitsy'o tsi lolanga kuli Yahova a viki ive mu mukono gwange mu luhangaywa: na valala va mbolere, nkwiite; navutswa imoni yanoe ya ku honnya; na nda vola, Si nda nyira mukono gwange ku mwami wange; kigira a veye mbake wa Yahova.

1 Samweli 24:18

Ive u landidzi lero kuli wa nkolera bulahi, kigira lwa Yahova ya mala kumbika mmukono gugwo, ive wa vula kunziita.

1 Samweli 26:23

Na Yahova a la tunga mundu sa mulala ubulungi bwibwe nobusuuvirifu bwibwe; kigira Yahova ya ku vika mmukono gwange lero, na si mbugirira kunyira mukono gwange ku mbakewa Yahova.