1 Samweli 24:16 - KITABU KITAKATIFU

¹⁶ Na ga duka, lwa Daudi ya mala kuvolera Saulo makuva yaga, Saulo ya vola, Gu veye mwoyo gugwo, mwana wange, Daudi? Saulo ya ginga mwoyo gwigwe, na a lira.

1 Samweli 24:16 ပူးပေါင်းရင်းမြစ်များ

Litanga 16:5

Na Sarai ya volera Abram, Lihyolo lyange li ve ku ive: nda ku ha mukana mutugwa wange, nokumbika mkiritu kikyo; na lwa ya lola u vereki, ndegwa mu tsimoni tsitsye: Yahova a kalage hagati hange nive.

Litanga 2:2

Kandi ku lidiku lya gatano na gaviri Nyasaye ya mala miyinzi gya ya li kulomba; na ya sosa ku lidiku lya gatano na gaviri ku miyinzi gyosi gya ya lomba.

Litanga 33:4

Na Esau ya nyagula kuvugana naye, na a mu kuberera, na a mu gwira mu ligoti, na a mu busa: navo va lira.

1 Kyetsinyinga 12:18

Ma Roho ya duka ku Amasai, wa li munene wa yavo makumi gavaka, na a vola, Ku veye avovo, ive Daudi, ku veye ku luvega lulwo, ive mwana wa Jesse: mirembe, mirembe, ku ive, nemirembe gyi ve ku va konyanga ive; kigira Nyasaye wowo a konyanga ive. Hene yaho Daudi ya va bugirira, na a va kola avanyampara vekiduma.

Ayubu 6:25

Amakuva gobulungi ga veye nobunyali kuduka ndi Navutswa ligondoka lyenyu, li gerehidza ki?

Zaburi 119:154

U mberere ku inkuva yange, na u boholole: U mbukidze kuli likuva lilyo.

Tsing'ano 15:1

Litivula lyagalaha li kiring'annya ubutima; Navutswa makuva malulu ga viridzanga ubutima.

Tsing'ano 25:11

Likuva li volangwa ku inyinga yalyo Li veye kuli makuyu gethahabu mu vihinda vyefetha.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Vikolwa 6:10

Navutswa si va nyala kuguuta ubugeeri na Roho wa a vola naye.

Vakalagi 11:27

Kunangwa si nda kola budamano ku ive, navutswa ive wa nkolera ubudamano kulwana ninze: Yahova, Mukalagi, a ve mukalagi kandi lero hagati ha avana va Israeli navana va Amon.

1 Samweli 26:17

Na Saulo ya manya mwoyo gwa Daudi, na a vola, Yigu gu veye mwoyo gugwo, mwana wange Daudi? Na Daudi ya vola, Gu veye mwovo gwange, munene wange, O mwami.

1 Samweli 26:24

Kandi, henza, kuli livamwoyo lilyo li veye linene imbiri wetsimoni tsyange lero, ni ndiyo livamwoyo lyange li veye linene imbiri wetsimoni tsya Yahova, naye a la mbonnya mu kivi kyosi.