Na ga duka inyima wa yaga, Daudi ya teva Yahova, na a vola, Nzanegire kwingira mu lilala ku madala ga Yuda? Na Yahova ya mu volera, Wanegire. Na Daudi ye teva, Nzanegire kutsia haliha? Naye ya vola, U tsie Hebironi.
Na Daudi ya teva Yahova, na a vola, Nyanegire kulwana na Vafilisiti, naho? U la va vika mmukono gwange, naho? Na Yahova ya volera Daudi, Wanegire, kigira ligali nda vika Vafilisiti mmukono gugwo.
Daudi ya teva Nyasaye, na a vola, Nyanegire kulwana na Vafilisiti naho? Ka ive u la va vika mmukono gwange naho? Na Yahova ya mu volera, Yanegira; kigira inze nda va vika mmukono gugwo.
Na Gideoni ya volera Nyasaye, na a vola, U ta leka ubutima bubwo bwaake ku inze mba, nda vola lulala lweng'ine: ngeridzanga, nku goonya, lulala vutswa ku bwoya; bu ve bwumu kalunu ku bwoya bweng'ine, na lime li ve ku marova gosi.
Na Yahova ya volera Gideoni, Nda mu honnya navo tsimia tsivaka avanagira, na nda vika Vamidiani mmukono gugwo, navandi vosi u va leke va tsie sa mulala hango hehe.
Na Daudi navandu veve va tsia Keila, ni va lwana na Vafilisiti, na va lanya tsing'ombe tsyavo, nokwiita avandu nobwiiti ubunene ligali. Na ndiyo Daudi ya honnya avandu va Keila.
Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.