19 Nelidala lyavasalisi, Nobu, ya li kuya nobwogi bwekivavi, avasatsa na vakali, avasoleli na vanunanga, netsing'ombe netsisukiri na magondi, ku bwogi bwekivavi.
Kunangwa liyoga li la twula hagati ha avandu vovo, na tsimpinga tsitsyo tsyosi tsi lononywa, kuli Shalimani yononnya Betharabeli mu lidiku lyobulwani: mama navana veve vosi va shonolanywa.
Na lidala lyosi li la gimwa, lyene na vyosi vi veye mulyo, ku Yahova: na a ta li Rahabu wamalaya, uyu a la va mwoyo, navo vosi ava veye halala naye mu inyumba yeye, kigira ya visa avatumwa va kwa tuma.
Kalunu u tsie ku kuya Vaamaleki, nokudividza ligali vyosi vya va veye navyo, mu ta va vererera mba; navutswa wiite musatsa nomukali, mwana na u nunanga, ing'ombe neligondi, ing'amia nesukiri.
Navutswa Saulo navandu va leka Agagi mwoyo, namagondi aga li amalahi, netsindahi ku tsing'ombe, nevilahi ku vinetu, noku vana vamagondi, na vyosi vi veye vilahi, si va bugirira kuvidividza ligali: navutswa ikindu sa kilala ki ta duka, nevidamano, yivi va vyononnya ligali.
Kunangwa Daudi ya duka Nobu ku Ahimeleku musalisi: na Ahimeleku ya tsia kwaganira Daudi na a degera, na a mu teva, Kigira ki ive u veye weng'ine, na si u veye nomundu halala nive?
Ma mwami ya tuma mutumwa kulanga Ahimeleku musalisi, mwana wa Ahitubu, na vosi avenyumba ya dada wewe, avasalisi va veye ha Nobu: navo va tsia ku mwami vosi.
Ma Doegu Muedom ya tivula, na a singira himbi na vatumekiri va Saulo, na a vola, Inze nda lola mwana wa Jesse ni yadzanga Nobu, ku Ahimeleku mwana wa Ahitubu.