1 Samweli 22:17 - KITABU KITAKATIFU

¹⁷ Nomwami ya volera avalindi ava singira himbi kuye, Mu girunkane mwiite avasalisi va Yahova kigira mukono gwavo gu veye haiala na Daudi, kandi kigira va manya yiruka, na si va leta ku inze makuva mba. Navutswa vatumekiri vomwami si va bugirira kunyira mukono gwavo nokugwira avasalisi va Yahova.

1 Samweli 22:17 ပူးပေါင်းရင်းမြစ်များ

2 Samweli 15:1

Na ga duka inyima wa yaga, Abisalom yelombera ligari netsiparasi, navandu makumi gatano kunyagula imbiri wewe.

1 Avami 1:5

Hene yaho Adonija mwana wa Hagithu yiidzominya mwene, na a vola, Inze nda va mwami: na yelo mbera magai na avasikari va nina ku tsiparasi, navandu makumi gatano kunyagula imbiri wewe.

1 Avami 14:27

Mwami Re hoboam ya lomba tsingavo tsyomugasa mbugono bweyitsi, na ya tsi vika mmakono gavanene vavalindi, ava lindanga kiliango kyenyumba yomwami.

1 Avami 18:4

kigira ga li ndiyo, lwa Jezebeli yiita vaprofeti va Ya hova, na Obadia ya vugula vaprofeti mia, na a va visa makumi gatano, gatano mu tsimbagaywa, na a va ha vyo kulia, nokuvaha madzi.)

2 Avami 10:25

Na ga duka, lwa ya mala kuhaana visyuviriru vyokusambwa, hene yaho Jehu ya volera valindi navasikari, Mwingiri, mu viite; mu ta leka mundu kali mulala a twule. Ma va va kuya nobwogi bwekivavi; navalindi navasikari va va ta kyova, na va tsia ku lidala lyenyumba ya Baal.

Kutwula 1:17

Navutswa avivulidzi va li ava tia Nyasaye, navo si va kola kuli mwami wa Egepeti ya va ha munwa, navutswa va linda avayai va ve mwoyo.

Vikolwa 4:19

Na vutswa Petro na Yohana va tivula ni va va volera, Ni bu va ubulungi imbiri wa Nyasaye kuhulira mwinye kusira Nyasaye, mu manyiridze:

1 Samweli 14:45

Navandu va volera Saulo, Jonathan a la kudza naho, na a li niye wa kola ubukonyi bunene mu Israeli? Auwa: kuli Yahova a veye mwoyo, si li la gwa hasi lisu kali lilala lyomutwe gwigwe; kigira a koli miyinzi halala na Nyasaye lero, ma avandu va honnya Jonathan, a vule kukudza.

1 Samweli 2:31

Henza, madiku gadzanga, mu madiku yago nda kalnga mukono gugwo, nomukono gwenyumba ya dada wowo, na a la vula kuva ho musakulu mu inyumba yoyo.

1 Samweli 20:33

Saulo ya mu tumita litimu a duke kumutumita; kunangwa ku likuva yilyo Jonathan ya manya nkani dada wewe ya saavira kwiita Daudi.

1 Samweli 22:13

Na Saulo ya mu teva, Kigira ki mwinye mu kolanga tsimbemba ku inze, ive nomwana wa Jesse, kigira wa mu ha vyokulia, nekivavi, nokumtevera Nyasaye, a duke kuvuka ku inze, nokungoneka, kuli ga veye lero?

1 Samweli 22:16

Nomwami ya vola, Ligali ive u la kudza, ive Ahimeleku, navandu vosi venyumba ya dada wowo.

1 Samweli 25:17

Kunangwa kalunu u manye nokuganagana ga wenya kukola; kigira budamano bu tovoleywi ku munene wetu, noku inyumba yeye: kigira uyu a veye muyingwa, kuduka mundu si a nyala kuvolerana naye.

1 Samweli 8:11

Naye ya vola, Mwami wenya kwameha ku mwinye a la va ulugano yilu: uyu a la vugula avayai venyu, nokuvavika kuye, mu magari gege, va la va avanina tsiparasi tsitsye; na va la nyagula imbiri wa magari gege;