1 Samweli 22:10 - KITABU KITAKATIFU

¹⁰ Naye ya mtevera Yahova, nokumuha vyokulia, nokumuha kivavi kya Goliati Mufilisiti.

1 Samweli 22:10 ပူးပေါင်းရင်းမြစ်များ

Livalidza 27:21

Naye a la singira imbiri wa Eleazaru musalisi, naye u la mu tevera ku likalagira lya Urim imbiri wa Yahova: ku likuva lilye va la twula, nokwingira, uyu, na avana va Israeli vosi halala naye, kali livugana lyosi.

1 Samweli 10:22

Kigira yaga va desa kuteva Yahova, A veyo mundu wundi u kikiri kuduka hano? Yahova ya tivula, Henza, yivisi mu viju.

1 Samweli 21:10

Ma Daudi ya singira, na yiruka lidiku yili kigira ya tia Saulo, na ya tsia ku Akishi mwami wa Gathu.

1 Samweli 22:11

Ma mwami ya tuma mutumwa kulanga Ahimeleku musalisi, mwana wa Ahitubu, na vosi avenyumba ya dada wewe, avasalisi va veye ha Nobu: navo va tsia ku mwami vosi.

1 Samweli 22:13

Na Saulo ya mu teva, Kigira ki mwinye mu kolanga tsimbemba ku inze, ive nomwana wa Jesse, kigira wa mu ha vyokulia, nekivavi, nokumtevera Nyasaye, a duke kuvuka ku inze, nokungoneka, kuli ga veye lero?

1 Samweli 22:15

Inze ntangi lero kumtevera Nyasaye? Auwa, li ve ihale ku inze likuva yili: mwami a vule kuvika liganagana ku inze mutumekiri wewe, kinga ku inyumba yosi ya dada wange; kigira mutumekiri wowo si a manya kindu ku yaga gosi, bukekeke kinga bunyingi bwago.

1 Samweli 23:12

Daudi ya vola kandi, Avandu va Keila va la ntwulidza navandu vange nokukuvika mmukono gwa Saulo? Na Yahova ya vola, va la ku twulidza.

1 Samweli 23:2

Kunangwa Daudi ya teva ku Yahova, na a vola, Nda tsia kukuya Vafilisiti naho? Na Yahova ya volera Daudi, Tsia, na u kuye Vafilisiti, nokukonya Keila.

1 Samweli 23:4

Ma Daudi ya teva ku Yahova kandi, Na Yahova ya tivula, na a mu volera, U singire, u sulungute Keila; kigira inze nda vika Vafilisiti mmukono gugwo.

1 Samweli 30:8

Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.