1 Samweli 20:32 - KITABU KITAKATIFU

³² Na Jonathan ya tivulira Saulo dada wewe, na a mu volera, A liitwa Kigira ki? A koli ki?

1 Samweli 20:32 ပူးပေါင်းရင်းမြစ်များ

Litanga 31:36

Na Yakobo ya vihirirwa, na a lembana na Labani: na Yakobo ya tivula na a volera Labani, Lihyola lyange li veye ki? Ubwoni bwange bu veye ikindu ki, kuduka ive u nondereye nobutima?

Tsing'ano 22:24

U ta kola ubulina nomundu umwangu ku ubutima; Na u ta genda halala nomundu u vihiririangwa bwangu:

Kohelethu 7:9

U ta va nomwoyo gwokuhyuhyukana kuduka kuvihirirwa: kigira ubutima bu me nyanga mu viritu vyavasiru.

Kohelethu 9:3

Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Matayo 27:23

Naye ya vola, Kigira ki, a koli tsimbi ki? Navo va kira kukola liyoga, ni va vola, bambwe.

Luka 23:22

Naye ya va volera hali kavaka, Kigira ki? Mundu uyu a kola ubudamano ki? Si ndola kindu kuye ki dukana nelikudza: kigira yaga nda mu kuya ma mmu boholole.

Yohana 7:51

Ku lilaga lyetu, ku kalagira mundu, ni ku kikiri kumuhulira nokumanya aga a kola?

1 Samweli 18:11

ma Saulo ya sikisa litimu; kigira ya vola, Nda tumita Daudi uyu kuduka ku lidigi. Na Daudi yehonnya ku litwula imbiri wewe hali kaviri.

1 Samweli 19:4

Na Jonathan yidzominya Daudi ku dada wewe Saulo, na a mu volera Mwami a ta kola ubwoni ku mutumekiri wewe Daudi; kigira uyu si ya kola bwoni ku ive kandi kigira likola lilye li veye lilahi ku luvega lulwo:

1 Samweli 19:5

kigira uyu ya vika livamwoyo lilye mmukono gwigwe mwene, na yiita Mufilisiti, na Yahova ya kolera Israeli vosi ubuhonnyi bunene: ive wa lola inkuva yiyi, na wa sangala; kunang va ni kindu ki kalunu ive wenya kukola ubwoni ku masahi ga ta veye nekindu, nokwiita Daudi bugira kivune?

1 Samweli 20:1

Na Daudi yiruka kutwula ha Naiothu mu Rama, na a tsia kuvola imbiri wa Jonathan, Inze nkoli ki? Ubudamano bwange bu veye ki? Nobwoni bwange bu veye ki imbiri wa dada wowo, kuduka yenyanga livamwoyo lyange?

1 Samweli 20:7

Na a va na a vola, Nobulahi; inze mutumekiri wowo nda va nemirembe: navutswa na a va na a vihirirwa, hene yaho u manye u saaviye ubudamano.

1 Samweli 22:14

Hene yaho Ahimeleku ya tivulira mwami, na a mu volera, Ku vatumekiri vovo vosi, u li ha kuvo u veye musuuvirifu ku leng'ana na Daudi, u veye navizala womwami, wa bugirirwa mu makuva gogo, welidzominywa mu inyumba yoyo?