1 Samweli 20:31 - KITABU KITAKATIFU

³¹ Kigira madiku gosi ga mwana wa Jesse a veye mwoyo mu kivala, ive si u la singeridzwa, kinga ubwami bubwo. Kunangwa u tume mundu a mu lete ku inze, kigira ligali a la kudza.

1 Samweli 20:31 ပူးပေါင်းရင်းမြစ်များ

2 Samweli 12:5

Ma ubutima bwa Daudi bwaaka ku mundu uyu; naye ya volera Nathan, Kuli Yahova a veye mwoyo, umundu uyu wa kola inkuva yiyi u dukani nelikudza:

2 Samweli 19:28

Kigira vosi avenyumba ya dada wange va li avakudzu avere imbiri womunene wange mwami; navutswa wa vika inze mutumekiri wowo mu yavo ava litsanga ku imeza yoyo mwene. Mbeye na ki kuduka kalunu nduke kulira ku mwami kandi?

Zaburi 79:11

Lilenya lyomuhambe lyesunde imbiri wowo: Kuli ubunene bwetsingulu tsitsyo u honnye ava lagwa likudza

1 Samweli 19:6

Na Saulo ya huliridza mwoyo gwa Jonathan: ma Saulo yesuha, na a vola, Kuli Yahova a veye mwoyo, uyu a la vula kwiitwa.

1 Samweli 20:30

Hene yaho Saulo ubutima bwibwe bwaaka ku Jonathan, na ya mu volera, Ive mwana womukali mudamano nomutingu, inze si mmanya ive wa tovola mwana wa Jesse ku tsisoni tsitsyo mwene, na ku tsisoni tsyekyahonyo kya mama wowo?

1 Samweli 20:8

Kigira yaga u nkolere ubulahi inze mutumekiri wowo, kigira u mbiki mu lilagana lya Yahova halala nive: navutswa ubudamano ni bu va ni bu veye mu inze, u nziite mwene: kigira ki u la mbila ku dada wowo?

1 Samweli 23:17

Naye ya mu volera, U ta tia mba; kigira mukono gwa Saulo dada wange si gu la ku nyola mba; na ive u la va mwami ku Israeli, na inze nda va wa kaviri ku ive; na Saulo dada wange u mali kumanya yaga.

1 Samweli 26:16

Si i veye inkuva indahi ya ive wa kola. Kuli Yahova a veye mwoyo, mwinye mu dukani nelikudza, kigira si mwa linda munene wenyu, mbake wa Yahova. Kunangwa kalunu henze, litimu lyomwami, nekimuga kyamadzi, vya li ha mutwe gwigwe, vi veye haliha?