1 Samweli 20:2 - KITABU KITAKATIFU

² Naye ya mu volera, Auwa ligali; ive si u la kudza mba: henza, dada wange si a kolanga kindu kinene kinga kikekeke, navutswa a vuliranga inze; na kigira ki dada wange a la visa yiki ku inze? Si ga veye ndiyo.

1 Samweli 20:2 ပူးပေါင်းရင်းမြစ်များ

Litanga 44:7

Navo va mu volera Kigira ki u vola makuva yaga, mwami wetu? Avatumekiri vovo si va nyala kukola kuli yaga.

Zaburi 40:6

Visyuviriru na vihaanwa si u yanzidzwa navyo; Amatu gange u giguye Vihaanwa vyokusambwa na vihaanwa vyobwoni si u vyenya.

Tsing'ano 29:24

U veye nelisanga nomwivi a dunyira mwoyo gwigwe mwene; A huliranga imisu, ma a vula kuvuula.

Isaya 50:5

Yahova Nyasaye u nziguye ugutu gwange, na si nda li mutingu, kandi si ndirana inyima.

Luka 20:16

A ladza kwiita avalimi yava, kandi a la ha avandi mulimi. Navo lwa va ga hulira, va vola, Yaga ga ta va.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Joshua 22:29

Nyasaye a ku gaye kutinguha Yahova, nokugirunkana lero kuleka kulonda Yahova, nokwombaka bwali bwevihaanwa vyokusamba, kinga vihaanwa vyobusie, kinga vihaanwa, ku bwali bwundi lugano ku yibu bwa Yahova Nyasaye wetu bu veye imbiri welihema lilye.

Joshua 24:16

Navandu va tivula ni va vola, Nyasaye a ku gaye ku ta leka Yahova, kutsie kutumekira avanyasaye avandi;

1 Samweli 14:45

Navandu va volera Saulo, Jonathan a la kudza naho, na a li niye wa kola ubukonyi bunene mu Israeli? Auwa: kuli Yahova a veye mwoyo, si li la gwa hasi lisu kali lilala lyomutwe gwigwe; kigira a koli miyinzi halala na Nyasaye lero, ma avandu va honnya Jonathan, a vule kukudza.

1 Samweli 20:1

Na Daudi yiruka kutwula ha Naiothu mu Rama, na a tsia kuvola imbiri wa Jonathan, Inze nkoli ki? Ubudamano bwange bu veye ki? Nobwoni bwange bu veye ki imbiri wa dada wowo, kuduka yenyanga livamwoyo lyange?

1 Samweli 20:12

Na Jonathan ya volera Daudi, Yahova, Nyasaye wa Israeli, a De muloli: lwa mmala kuteva dada wange, kuli inyinga yo mugamba, kinga lidiku lya kavaka, henza ni ha va ni ha veye nekindu kilahi ku Daudi, inze si nda ku letera, nokukuvuulira kindu zana?

1 Samweli 20:3

Na Daudi yesuha, na a vola, Dada wowo a manya ligali inze nyoye liverwa imbiri wetsimoni tsitsyo; naye a volanga, Mu ta leka Jonathan a manye kindu yiki mba, gase a la mu vererera: navutswa ligali, kuli Yahova a veye mwoyo, na kuli mwoyo gugwo gu veye mwoyo, li veye ho ligenda lilala lyeng'ine hagati hange nelikudza.

1 Samweli 9:15

Na Yahova ya li na a vuliye Samweli lidiku lilala, Saulo na a kikiri kutsia kuye, na a vola,