1 Samweli 2:9 - KITABU KITAKATIFU

⁹ Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.

1 Samweli 2:9 ပူးပေါင်းရင်းမြစ်များ

Ayubu 18:18

A la kungwa kutwula mbulavu a tsie mkisundi Nokukungwa a twule mu lirova.

Ayubu 40:13

U va vise mu lugukyi halala; Boha mmoni mwavo ha viswa.

Ayubu 5:16

Kunangwa mudaka a veye nelisuuviridzwa Na ubudamano bu hana munwa gwabwo.

Ayubu 5:24

U la manya lihema lilyo li veye mu mirembe; Na u la liguula kego kikyo na u la lola si ha veye nekindu kya geha.

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Zaburi 105:37

Ya va leta kyova, na va li nefetha na ithahabu Na si ha li nomudedekere kali mulala mu tsihiri tsitsye.

Zaburi 121:3

Si a li leka kirenge kikyo kutwulidzwa: Uyu u ku lindanga Bi a la gona tsindolo.

Zaburi 121:5

Yahova a veye mulindi wowo: Yahova a veye kiriri kikyo ku luvega lwomukono mulungi.

Zaburi 121:8

Yahova a la linda litwula lilyo na liingira lilyo Kutwula kalunu kuduka mihiga nemihiga.

Zaburi 145:20

Yahova a lindanga yavo vosi ava mu yanzanga; Navutswa ala dividza avadamano vosi

Zaburi 31:17

O Yahova, u ta ndeka kugumirwa netsisoni; kigira nkwaniye: U leke avadamano kugumirwa netsisoni, va kiring'ane mu Kihadisi.

Zaburi 37:28

Kigira Yahova a yanza likalaga lilungi, Na si a lekanga avatakatifu veve; Va lindangwa mihiga nemihiga: Navutswa visukululwi vyavadamano vi la temagwa.

Zaburi 94:18

Lwa nda vola, Kirenge kyange ki tereranga; Tsimbabasi tsitsyo, O Yahova, tsya mbonnya.

Zaburi 97:10

O mwinye ava yanza Yahova, mu dunyire ubwoni: A lindanga myoyo gyavatakatifu veve; A va honnya kutwula mu mukono gwavadamano.

Tsing'ano 16:9

Mwoyo gwomundu gu ganagana inzira yeye; Navutswa Yahova yimiriranga ligenda lilye.

Tsing'ano 2:8

A duke kulinda tsinzira tsyelikalaga, Nokulinda tsinzira tsya avataka tifu veve.

Tsing'ano 3:26

Kigira Yahova a la va ubuluviriri bubwo, Na a la linda kirenge kikyo ki vule kugumirwa.

Kohelethu 5:17

Madiku gege gosi a litsanga mu kisundi, na a vereranga ligali, nokunyola ubulwaye nobudunyi.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Isaya 27:3

Inze Yahova mbeye mulindi wagwo; nda gu sama amadzi tsinyinga tsyosi: gase mundu a la gwononnya, nda gu linda budiku nombasu.

Isaya 47:5

Yikala u kiring'ane, yingira mkisu ndi O mukana wa Vakalidei; kigira u la vula kulangwa kandi Mukali wobwami.

Jeremia 8:14

Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Zefania 1:15

Lidiku yilyo li veye lidiku lyobutima, nelidiku lyekivi nelidambidza, lidiku lyelidividza nelyokukola hatswa, lidiku lyekisundi na lya malesi, lidiku lyamalesi nekisundi kinene,

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Livalidza 6:24

Yahova a ku gasidze, nokukulinda:

Matayo 8:12

navutswa avana vobwami va la tebwa mkisundi kyekyova: li la ka ve lilira nokudyedyeidza amino.

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye:

Kwidzulitsa 33:3

Ligali a yanza tsihiri tsyavandu; Avatakatifu veve vosi va veye mmukono gugwo; Navo vikala ha virenge vivyo; Sa mulala va la vugula amakuva gogo.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

2 Petro 2:17

Yava nivo vidabo vi ta li namadzi, nelilumbe lyekihuudzudzi ki hilanga, ava vikeywi ubumwamu bwekisundi.

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo:

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

Yudasi 1:3

Avayanze, lwa nda kola ubugulu bwosi kumung'odera amakuva gobuhonnyi bwa ku sangi, nda nigwa kumung'odera kumutsuva mu lwanire budinyu lisuuvira lya vatakatifu va hebwa lulala.

1 Samweli 25:26

Kunangwa kalunu, munene wange, kuli Yahova a veye mwoyo, na kuli ive mwene u veye mwoyo, kigira Yahova u ku gayi u ta sundula i masahi, kandi u tevanzira kisalya nomukono gugwo mwene, kunangwa kalunu avasigu vovo vosi, navandu ava kwenyeranga likuva lidamano ku ive, va ve kuli uyu Nabali.