1 Samweli 2:8 - KITABU KITAKATIFU

⁸ A ginganga mudaka nokumutwulidza mulugukyi, A ginganga mwegombi nokumutwulidza mu isina, Nokuvakola vikale halala navanene, Nokunyola miyandu intebe yobukumi: Kigira tsitiru tsyelirova tsi veye tsya Yahova, Uyu wa singeridza lirova kutsyo.

1 Samweli 2:8 ပူးပေါင်းရင်းမြစ်များ

Litanga 41:14

Hene yaho Farao ya tuma na a langa Yosefa, navo va mu leta bwangu kutwula mu inyumba ya hasi: naye yevega, nokugirunkanya tsingubo tsitsye, nokwingira imbiri wa Farao.

Litanga 41:40

ive u la va ku inyumba yange, kandi kuli likuva lilyo avandu vange vosi va la lagwa ndiyo: na mu intebe yohwami yeng'ine inze nda va munene kuvita ive.

2 Samweli 7:8

Kunangwa kalunu u la volera mutumekiri wange Daudi, Yahova wa mahe a ku volera, Nda ku twulidza mu kego kyamagondi, noku lilonda magondi, u duke kuva umunene ku avandu vange, Israeli;

1 Avami 16:2

Kigira nda kunenehidza kutwula ku lugukyi, nokukukola u ve mwimiriri ku vandu vange Israeli, na ive wa genda mu inzira ya Jeroboam, na wa gotidza avandu vange Israeli, nokumbihiri ridza nobwoni bwavo;

2 Avami 9:6

Na ya singira ni yingira mu inyumba: na a mu tsukira maguta ku mutwe gwigwe, nokumuvolera, Yahova, Nyasaye wa Israeli a volanga, Mbaki ive amaguta u ve umwami ku avandu va Yahova, kali ku Israeli.

Ayubu 1:21

na ya vola, Inze nda twula munda mwa mama wange ni mbeye mwere, na kandi ndirana yo ndiyo mwere; Yahova ya haana, kandi Yahova u vuguye; Iieta lya Yahova li gasidzwe.

Ayubu 2:8

Na ya vugula kijonjo a duke kweyagira; ni yikala mu ligoke.

Zaburi 102:25

Kale wa lomba muse gwelirova; Kandi magulu ga veye miyinzi gyamakono gogo.

Zaburi 104:5

Wa lomba mise gyelirova, Li vule kudengeya mihiga nemihiga.

Zaburi 107:41

Navutswa a vikanga mudaka igulu kumutwulidza mu lilegwa lilye, Nokumulombera aviko kuli kyayo.

Zaburi 24:2

Kigira ya li singeridza ku tsinyanza Kandi ya li dinyeridza ku migera.

Zaburi 75:3

Lirova li saluluki halala na ava menyi mu vosi: Inze mwene nsingeridzi tsitiru tsyalyo. [Selaha

Zaburi 75:4

Nda volera avigingiri, Mu ta kola ubwigingiri; Na avadamano, Mu ta gingaulwiga:

Zaburi 75:7

Navutswa Nyasaye a veye muka lagi: A gehidzanga mulala, nokunene hidza wundi.

Kohelethu 4:14

Kigira ya twula mbuhambe kuva mwami; yee, kali mbwami bwibwe yivulwa mudambi.

Isaya 22:23

Nda mu dinnya kuli musumari ha suuvira ngwa; na a la va intebe yobukumi mu inyumba ya dada wewe.

Danyeli 2:48

Ma mwami ya kola Danyeli kuva munene, na a mu ha madanyi manyingi, nokumwamehidza ku iprovinse ya Babuloni, nokuva munene ku avandu avageeri va Babuloni.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 6:3

Ma Danyeli yidzominywa kuvita avimiriri avakye veve kandi avagovuna, kigira roho mulahi gwa li muye; na mwami ya ganagana kumuvika ku bwami bwosi.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Likunula 1:6

na a ku kola ubwami navasalisi va Nyasaye wewe, Dada wewe; ubukumi bu ve kuye na lyameha kuduka imihiga nemihiga. Amini.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 5:10

nokuvakola ubwami navasalisi ku Nyasaye wetu; kandi va lameha ku lirova.

1 Samweli 15:17

Na Samweli ya vola, Kali nu u veye mukekeke mu tsimoni tsitsyo ive mwene, si wa lyamehidzwa kuva mutwe ku tsihiri tsva Israeli? Na Yahova ya ku vaka maguta kuva mwami ku Israeli;