1 Samweli 2:35 - KITABU KITAKATIFU

³⁵ Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.

1 Samweli 2:35 ပူးပေါင်းရင်းမြစ်များ

2 Samweli 7:11

kuli kutwula ku lidiku lya nda laga avakalagi va ve ku avandu vange Israeli; nda ku ha bwelemeridzi ku vasigu vovo vosi. Kuvita yaga Yahova a ku voleranga, Yahova a la ku lombere inyumba.

2 Samweli 7:27

Kigira ive, O Yahova wa mahe, Nyasaye wa Israeli, u vuliye inze mutumekiri wowo, na u vola, Inze nda kwombakira inyumba: ki gira yaga inze mutumekiri wowo ndoli mmwoyo gwange nku saale lisaala yili.

1 Avami 1:45

na Zadoku musalisi na Nathan muprofeti va vaki Solomoni maguta ha Gihon a ve mwami; na va twuli yo nobusangali ubunene, kuduka lidala lya langirira kandi. Yili ni liyoga lya mwa hulira.

1 Avami 1:8

Navutswa Zadoku musa lisi, na Benaia mwana wa Jehoiada, na Nathan muprofeti, na Shimei, na Kei, na avetsingulu ava li vandu va Daudi, si va li halala na Adonija mba.

1 Avami 11:38

Na ga la va, ive nu u va nu u hulira gosi ga nku laga, no kugenda mu tsinzira tsyange, noku kola ubulungi imbiri wange, kugumira amalago gange nelilagana lyange, kuli mutumekiri wange Daudi ya kola; nda va halala nive, nda kwo mbakira inyumba yetsingulu, kuli ndombakira Daudi, nda ha ive Israeli.

1 Avami 2:35

No mwami ya vika Benaia mwana wa Jehoiada mbugono bwa Joabu igulu ku lihe, na Zadoku musalisi mwami ya mbika mbugono bwa Abiatharu.

1 Kyetsinyinga 29:22

ni va lia ni va nwa imbiri wa Yahova ku lidiku yilyo nobusangali bunene. Na vamehidza Solomoni mwana womwami Daudi hali kaviri, nokumbaka maguta a ve wa Yahova a duke kuva munene, na Zadoku a ve musalisi.

Zaburi 18:50

A hedzanga mwami wewe ubuhonnyi ubunene, Nokukolera mbake wewe tsimbabasi tsyobuyanzi, Ku Daudi noku visukululwi vivye, mihiga nemihiga.

Zaburi 2:2

Avami velirova va tsuvana avene, Na avamehi va volerana avene na avene Kwambakana Yahova, no mbake wewe, va vola

Kutwula 1:21

Kunangwa, kigira avivulidzi va li ava tia Nyasaye, ya va singeridzira avetsinyumba.

Ezekieli 34:23

Na nda singeridza kuvo mwayi mulala, naye a la gaya, uyu a veye mutumekiri wange Daudi, uyu a la gaya, na a la va mwayi wago.

Livalidza 25:13

kandi li la va kuye, noku visukululwi vivye inyima wewe, lilagana lyobusalisi bwemihiga nemihiga; kigira ya li nelikendeka kigira Nyasaye wewe, na ya lombera avana va Israeli kyokukunika ubwoni.

Vahebraina 2:17

Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

1 Samweli 10:10

Na lwa va duka ha kigulu, henza, avaprofeti va vugana naye; na Roho wa Nyasaye ya duka kuye netsingulu, na ya profeta hagati havo.

1 Samweli 10:9

Na ga duka, lwa ya girunkana mugongo gwigwe kutwula ku Samweli, Nyasaye ya mu ha mwoyo gundi; nevilolekidza yivi vyosi vya duka lidiku yilyo.

1 Samweli 12:3

Mbe hano: mu lolekidze ku inze imbiri wa Yahova, na imbiri wombake wewe: neng'ombe ya bwaha ya nda vugula? Kinga nesukiri ya bwaha ya nda vugula? Kinga ni bwaha wa nda ganga? Nda dambidza bwaha? Nda vugula vikukula ku mukono gwa bwaha, kuduka ku vakulidza navyo tsimoni tsyange na nda virannye ku mwinye.

1 Samweli 16:13

Kunangwa Samweli ya vugula lwiga lwamaguta, na a mbakira hagati ha vamwavo veve: Roho wa Yahova yadza ku Daudi netsingulu kutwula lidiku yilyo. Ma Samweli ya singira na a tsia Rama.

1 Samweli 2:36

Na ga la duka, kuvo vosi va tigala mu inyumba yoyo a la mwinamira a duke kunyola kidonye kyefetha nobukima, nokumuvolera, Mwadza, u mbike mu muyinzi mulala gwa avasalisi, nduke kulia kidonye kikekeke kyobukima.

1 Samweli 25:28

Mwadza, u samehe ubukyamu bwange, inze mukana mutugwa wowo: kigira Yahova ligali a la ku lombera ive, munene wange, inyumba inkulumamu, kigira ive, munene wange, u lwananga ubulwani bwa Yahova; kandi ubudamano si bu la loleka mu ive tsinyinga tsitsyo tsyosi.

1 Samweli 3:1

Nomwana Samweli ya tumekira Yahova imbiri wa Eli. Noku madiku yago amakuva ga Yahova si ga nyolekanga mba, navutswa ku budinyu; si ha li nelivuula habulavu.

1 Samweli 7:9

Kunangwa Samweli ya vugula kimeme kyeligondi ki nunanga, na ya ki haana kigima ki ve kihaanwa kyokusambwa ku Yahova: na Samweli yanira Yahova kigira Israeli; na Yahova ya mu tivulira.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.

1 Samweli 9:12

Navo va va tivulira, ni va vola, A veye ho; henza, a veye imbiri wowo: kola bwangu, kigira wingiye mu lidala lero ndi; kigira avandu va veye nekihaanwa lero hadiguluku.

1 Samweli 9:13

Na lwa mu duka mu lidala, mu la mu lola bwangu, imbiri lwa a kikiri kutsia hadiguluku kulia; kigira avandu si va la lia kuduka uyu yadze, kigira uyu a gasidzanga kihaanwa; na inyima avalangeywi va litsanga. Kunangwa kalunu, mwanegire; kigira mu la mu lola inyinga yiyi.