1 Samweli 2:30 - KITABU KITAKATIFU

³⁰ Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.

1 Samweli 2:30 ပူးပေါင်းရင်းမြစ်များ

1 Avami 11:11

Kigira yaga Yahova ya volera Solomoni, na a vola, Kigira ive u veye nenkuva yiyi na u vuli kugumira lilagana lyange na malago gange, ga nda ku laga, ligali nda tandula ubwami bu twule ku ive, na nda ha mutumekiri wowo.

1 Avami 2:27

Ma Solomoni ya twulidza Abia tharu a vule kuva musalisi imbiri wa Yahova a duke kudukidza likuva lya Yahova ya vola ku inyumba ya Eli ha Shiio.

1 Kyetsinyinga 17:18

Na Daudi a nyala kuvolera ive kindu ki kandi kuvita ku makuva gelidzominywa lyomutumekiri wowo? Kigira u manya mutumekiri wowo.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

2 Kyetsinyinga 26:18

na va gaya mwami Uzia, ni va mu volera, Si ga ku dukira ive, Uzia, kuvuyidzira Yahova, navutswa ga dukira avasalisi avana va Haruni, ava takaswa kuvuyidza: twule mu hatakatifu, kigira u hyoye; na si ga la va lidzominywa lilyo ku Yahova Nyasaye mba.

Zaburi 18:20

Yahova ya mpa madanyi kuli ubulungi bwange; Kuli ubusiyeku bwa makono gange ya mpa ndiyo.

Zaburi 18:26

Ku womwoyo mulavu u lelolekidza kuva womwoyo mulavu; Kandi ku mukyamu u lelolekidza kuva muhing'ani.

Zaburi 50:23

Kuvo vosi u haana kihaanwa kyelisantidza u nkuminyanga; Na ku uyu u lohidzanga inzira yeye Nda mu mannya ubuhonnyi bwa Nyasaye.

Zaburi 73:20

Kuli liloto lwomundu a vukanga, Ni ndiyo, Mwami, lwa u vuka, u la lega lifwana lyavo.

Zaburi 91:14

Kigira u viki ubuyanzi bwibwe ku inze, kunangwa nda mu honnya: Nda mu vika higulu kigira a manyi lieta lyange.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Kutwula 28:43

na tsi la va ku Haruni, noku avana veve, lwa vingira mu lihema lyokuvuganira mu, kinga lwa visunda himbi ku bwali kutumika mu hatakitifu; va vule kuginga ubudamano, na va kudza: yaga ga la va lilaga kuye noku visukululwi vivye inyima wewe mihiga na mihiga.

Kutwula 29:9

Na u la va boha nemisipi, Haruni na avana veve, nokuvavika vigudu: navo va la va nobusalisi ku lilaga lyemihiga nemihiga: na ive u la takasa Haruni na avana veve.

Tsing'ano 12:8

Mundu a lidzominywa kuli kigero kyobugeeri bwibwe; Navutswa uyu womwoyo gwobukyamu a la legwa.

Tsing'ano 4:8

U bu kuminye, nabwo bu la ku nenehidza; Bu la ku letera lidzominywa, lwa u hambana nabwo.

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Jeremia 29:32

kigira yaga Yahova a vola, Henza, nda haana mageli ku Shemaia Munehelami, nekisukululwi kikye; si a la va nomundu u menya mu avandu yava, kandi si a la lola ubulahi, bwa ndi kolera avandu vange, Yahova a vola, kigira ya vola bwebaali ku Yahova.

Jeremia 49:15

Kigira, henza, nkole ive kuva muke ku tsihiri, nokulegwa mu avandu.

Ezekieli 34:10

Mwami Nyasaye a vola ndi, Henza, mbeye musigu ku avayi; na nda vanza amagondi gange ku makono gavo, na nda lekidza kuvo miyinzi gyokwaya amagondi; kandi avayi va la vula kweyaya avene kandi; nda honnya magondi gange kutwula ku minwa gyavo, ga vule kuva vyokulia vyavo.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 2:3

Henza, nda go ndokera visukululwi vyenyu, na nda vaka amabi mmoni mwenyu, livola li veye amabi gevihaanwa vyenyu: na mu la twulidzwa halala nago.

Livalidza 11:20

navutswa mu la lia mweli gwosi, kuduka inyama i twulira mu amolo genyu, na mu la gi lega; kigira mwambakani Yahova u veye hagati henyu, na mu liri imbiri wewe, ni mu vola, Kigira ki kwa twula Egepeti?

Livalidza 35:34

Na ive u tononya kivala kya u menya mu, kya inze mwene mmenya hagati hakyo: kigira inze Yahova mmenyanga hagati ha avana va Israeli.

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Yohana 5:44

Mu nyala ndi kusuuvira mwinye ava hereridzana ubukumi, mu vula kwenya ubukumi bu twula wa Nyasaye u veye yeng'ine?

Yohana 8:49

Yesu ya ti vula, Inze si mbeye nelidemone; navutswa inze nzidzominya Dada wange, na mwinye mu nyega.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

Vakalagi 9:10

Kandi misala gya volera mukuyu, Hamba, wamehe ku kwinye.