1 Samweli 2:3 - KITABU KITAKATIFU

³ Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.

1 Samweli 2:3 ပူးပေါင်းရင်းမြစ်များ

1 Avami 8:39

ma u hulire mi gulu ha bumenyo bubwo, u samehe, nokukola, nokutunga sa mulala kuli tsinzira tsitsye tsyosi, wa u manya mwoyo gwigwe; (kigira ni ive, ive weng'ine, u manyanga myoyo gya vandu vosi;)

Ayubu 31:6

(Nobulahi ngerwe ku tsiratili tsinungi, Nyasaye a duke kumanya ubulungi bwange);

Zaburi 147:5

Mwami wetu a veye munene, na wobunyali ligali; Limanya lilye si li nyala kugerwa.

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 31:18

Minwa gyobubehi gyi kolwe kuva tsidimbidi, Gyi vola ku valungi madinyu nobwigingiri, Kandi nekirage na lilega.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Zaburi 75:5

Mu ta ginga ulwiga lwenyu igulu; Mu ta vola neligoti lidinyu.

Zaburi 94:4

Va demannyanga, ni va vola nobwekonyi: Vosi ava kolanga ubudamano va veye mu lyekonya.

Tsing'ano 16:2

Tsinzira tsyosi tsyomundu tsi veye tsindahi imbiri wetsimoni tsitsye mwene; Navutswa Yahova a geranga myoyo ku tsiratili.

Tsing'ano 24:12

Nu u va nu u vola, Henza, si kwa manya yaga; Uyu u geranga myoyo ku iratili, si a lola likuva li veye yo yili? Na uyu u lindanga mwoyo gugwo, si a li manya? Naye si a la tunga mundu sa mulala kuli miyinzi gyigye?

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Isaya 26:7

Inzira yomulungi i veye bulungi: ive u veye mulungi u lungekidzanga inzira yomulungi.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Ezekieli 35:13

Mwinye mwiidzominyi avene ku inze neminwa gyenyu, nokumeda makuva genyu ku inze: nga huliye.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Danyeli 5:27

TEKEL; ive u gereywi ku tsiratili, kandi u loleki kuva nobugeheru.

Malaki 3:13

Makuva genyu ga gwiye madinyu ku inze, Yahova a vola. Navutswa mwinye mu vola, Ku voye ki ku ive?

Vahebraina 4:12

Kigira likuva lya Nyasaye li veye mwoyo, kandi li veye netsingulu, kandi li veye nobwogi kuvita kivavi kyobwogi ku vyosi tsimbega tsyombi, kandi li tumitanga kuduka kwavukannya mwoyo na roho, nevyungu nobuhaali, kandi li veye liyangu ukumanya tsiganagani nobulaliri bwomwoyo.

Joshua 22:22

Yahova, Nyasaye, Wanyala Vyosi, Yahova, Nyasaye, Wanyala Vyosi, niye u manya; na Israeli a la manya: ni ga va ni ga veye mu butingu, kinga ni ga va ni ga veye mu lihyolo ku Yahova (u ta ku honnya lero),

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Vakalagi 9:38

Hene yaho Zebuli ya mbolera, Munwa gugwo kalunu gu ve haliha, kigira wa vola, Abimeleku ni bwaha, ku luhe kumutumekire? Yava si va veye avandu ava ive wa lega? Kalunu, tsia kyova, mwadza, u lwane navo.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.