1 Samweli 2:29 - KITABU KITAKATIFU

²⁹ Kunnngwa kigira ki mu lasanga luvasi ku kihaanwa kyange, nekisyuviriru kyange, vya nda laga mu hokumenya hange, no widzominya avana vovo kuvita inze, nokwekomeridza nevihaanwa vilahi vyavandu vange Israeli?

1 Samweli 2:29 ပူးပေါင်းရင်းမြစ်များ

2 Avami 12:6

Navutswa ga duka ndiyo, mu muhiga gwa makumi gaviri na gyivaka gwelyameha lyomwami Jehoashu, avasalisi va li ni va kikiri kulomba ha sasuguka henyumba.

Zaburi 26:8

O Yahova, nyanzanga limenya lyenyumba yoyo, Na hango hobukumi bubwo bu menyanga.

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Ezekieli 34:10

Mwami Nyasaye a vola ndi, Henza, mbeye musigu ku avayi; na nda vanza amagondi gange ku makono gavo, na nda lekidza kuvo miyinzi gyokwaya amagondi; kandi avayi va la vula kweyaya avene kandi; nda honnya magondi gange kutwula ku minwa gyavo, ga vule kuva vyokulia vyavo.

Ezekieli 34:2

Ivemwana womundu, profeta ku avayi va Israeli profeta, u va volere, kali ku avayi Mwami Nyasaye a vola ndi, O bayaye ku avayi va Israeli aveyayanga avene si ga dukiranga avayi kwaya magondi?

Hosea 4:8

Avene velihidzanga mu ubwoni bwavandu vange, na va vikanga mu myoyo gyavo ubudamano bwavo.

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Matayo 22:16

Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Luka 14:26

Mundu ni yadza ku inze na a ta dunyira dada wewe, na mama wewe, nomukali, navana, navamwavo, navabotso, yee neliva mwoyo lilye kandi, si a nyala kuva mwegidzwi wange mba.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

2 Vakorintho 5:16

Kunangwa kutwula kalunu kwinye si ku manya mundu kali mulala ku lugano lwomubiri: kali kwa manya Kristo ku lugano lwomubiri, navu tswa kalunu si ku mu manya kandi ndiyo.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 33:9

Wa vola ku dada wewe, noku mama wewe, Si nda mu lola Kandi si a bugirira avamwavo veve, Kandi si ya manya avana veve mwene: Kigira va linda likuva lilyo, Navo va gumira lilagana lilyo.

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.

Joshua 18:1

Ni livugana lyosi lya avana va Israeli vevungidza halala ha Shilo, ni va singiridza lihema lyokuvugana mu ha zana: nekivala zana kya guutwa imbiri wavo.

1 Samweli 3:13

Kigira mmu voleye nda kalagira inyumba yeye mihiga nemihiga, kigira ubudamano bwa ya manya, kigira avana veve va letera lilaamwa kuvo, naye si ya vigalira.