1 Samweli 2:28 - KITABU KITAKATIFU

²⁸ Na si nda tovola uyu mu tsihiri tsyosi tsya Israeli a gwe musalisi wange, yanegira kutsia ku bwali bwange, kuvuyidza kimuli, nokwivika kisibao imbiri wange? Na si nda haana ku avenyumba yadada wowo vihaanwa vyosi vyavana va Israeli va haana nomuliru?

1 Samweli 2:28 ပူးပေါင်းရင်းမြစ်များ

2 Samweli 12:7

Na Nathan ya volera Daudi Ive niye mundu zana. Yahova Nyasaye wa Israeli a ku volera ndi, Inze nda ku vaka maguta u ve umwami ku Israeli, na nda ku honnya ku mukono gwa Saulo:

2 Samweli 6:14

Na Daudi ya kina imbiri wa Yahova netsingulu tsitsye tsyosi; na Daudi ya li neyivika kisibao kyekatani.

Kutwula 28:1

Kandi u la leta amwavo wowo Haruni ku ive, na avana veve vadze halala naye, kutwula mu avana va Israeli, ya ntumekire mu miyinzi gyomusalisi, navo ni Haruni, na Nadabu na Abihu, na Eleazaru na Ithamaru, avana va Haruni.

Kutwula 28:4

Na tsingubo tsya va la lomba ni yitsi; isalamba yomkiritu, na kisibao, na joho, na likoti li lombwa ku busalago, na igudwa, na musipi: navo va la lombera Haruni amwavo wowo na avana veve, tsingubo tsintakatifu, a ntumekire mu miyinzi gyomusalisi.

Kutwula 30:7

Na Haruni a la vuyidza kimuli kyokufunya mwayu kubwo: migamba gyosi, lwa a lomba tsitaya a la ki vuyidza.

Kutwula 30:8

Na lwa Haruni a hambidza tsitaya tsya mgolova a la ki vuyidza, ki ve kimuli kya kazozo imbiri wa Yahova mu visukululwi vyenyu vyosi.

Kyavalevi 2:10

Nabwo bu tigala ku kihaanwa kyobusie bu la va bwa Haruni na bwa avana veve ki veye kitakatifu ligali ku vindu vi haanangwa ku Yahova nomuliru.

Kyavalevi 2:3

nabwo bu tigala ku busie bu la va bwa Haruni nobwa avana veve: ki veye kindu kitakatifu ligali kyevihaanwa vyokuhaanwa nomuliru ku Yahova.

Kyavalevi 6:16

Nabwo bu tigala kubwo, Haruni na avana veve va la lia: bu la libwa bugira mamera mu hatakatifu, hamugidzi helihema lyokuvuganira mu va la bu lia.

Kyavalevi 7:32

Na kinama kyoluvega lwomukono mulungi u la ha musalisi kuva kihaanwa kyokudigululwa igulu, ki twulidzwe ku vihaanwa vyenyu vyemirembe.

Kyavalevi 7:36

vya Yahova ya laga avana va Israeli va va he, ku lidiku lya ya va vaka maguta. Ki veye kidieli kyavo mihiga gyosi mu visukululwi vyavo vyosi.

Livalidza 16:5

na ya volera Kora na livugana lilye lyosi, nokuvola, Mugamba Yahova a la mannya ni va nga bwaha ava veye aveve, kandi ni bwaha u veye mutakatifu, na a la mu leta yesunde kuye himbi: kigira uyu wa a li tovola a la mu leta kuye himbi.

Livalidza 18:19

Vihaanwa vyosi vyokudigululwa vyevitakatifu, vya avana va Israeli va haananga ku Yahova, mmali kuha ive, na avana vovo avayai na avakana halala na ive, li veye lilaga lyemihiga nemihiga: li veye lilagana lyomunyu lyemihiga nemihiga imbiri wa Yahova, ku ive noku kisukululwi kikyo halala na ive.

1 Samweli 14:3

na Ahija, mwana wa Ahitubu, amwavo Ikabodu, mwana wa Finehasi, mwana wa Eli, wa li musalisi wa Yahova mu Shilo, naye ya li nekisibao. Navandu si va manya Jonathan u tsii.

1 Samweli 2:18

Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.