1 Samweli 2:25 - KITABU KITAKATIFU

²⁵ Mundu na a va na a kola ubwoni ku wundi, Nyasaye a la mu kalagira; navutswa mundu na a va na a kola bwoni ku Yahova, bwaha a la mu saavira? Navutswa, si va hulira umwoyo gwa dnda wavo, kigira Yahova ya saavira kuviita.

1 Samweli 2:25 ပူးပေါင်းရင်းမြစ်များ

Litanga 38:10

Na inkuva yiyi ya ya kola ya li indamano imbiri wa Yahova: naye ya mwiita kandi.

Litanga 38:7

Na Eru, munene wa Yuda, ya li mudamano imbiri wa Yahova; na Yahova ya mwiita.

1 Avami 8:31

Mundu ni yona ku wakye, na lyesuha ni li vikwa kuye a duke kwesuhidza, naye ni yadza kwisuha imbiri wobwali bubwo mu inyumba yiyi;

1 Avami 8:32

u hulire migulu, u kole, na u kalage hagati ha vatumekiri vovo, ku li ha mageli uyu mudamano, nokuleta inzira yeye ku mutwe gwigwe mwene, nokuha uyu mulungi bulungi, kuli ubulungi bwibwe bu veye.

2 Kyetsinyinga 10:15

Kunangwa mwami ya vula kuhu lira avandu; kigira kya li kya Nyasaye ya leta, Yahova a duke kudinyeridza likuva lilye, lya ya volera Jeroboam mwana wa Nebati, nomukono gwa Ahija Mushilon.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Ayubu 9:33

Si ha veye nomulala u kalaga hagati hetu, A duke kuvika mukono gwigwe ku kwinye vombi.

Zaburi 51:16

Kigira ive si u sangaliranga kihaanwa; nkano nda ki haana: Si u yanzidzangwa na kihaanwa kyokusambwa.

Zaburi 51:4

Ku ive, ive weng'ine, nkoli ubwoni, Nokukola ubudamano yibu imbiri wowo; Ive u veye nobulungi mu livola lilyo, Nokuva mutakatifu mu likalaga lilyo.

Tsing'ano 13:1

Mwana wobugeeri a hulira megidzo ga dada wewe; Navutswa wekihenyahenye si a hulira mageli.

Tsing'ano 15:10

Li veye ho lihebwa amageli lida mbidzanga uyu u lekanga inzira; Na uyu u dunyira ligondokirwa a la kudza.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Livalidza 15:30

Navutswa mundu u kolanga kindu ku vyosi na a saavira, na a va na a veye mwivuli ku mwinye, kinga mugeni, wa zana a nyeganga Yahova; na mundu uyu a la heridzwa kutwula hagati ha avandu veve.

Kwidzulitsa 1:17

Mu ta henza magondo gavandu mu likalaga; mu hulire avakekeke navanene kuleng'ana; mu vule kutia mumoni mwomundu kali mulala; kigira likalaga li veye lya Nyasaye: nelikuva li mu tama mu lete ku inze, nda li hulira.

Kwidzulitsa 2:30

Navutswa Sihon mwami wa Heshibon si ya ku ha munwa kumuvita; kigira Yahova Nyasaye wowo ya dinyeridza roho gwigwe, na a vika mmwoyo gwigwe kirage, a duke kumbika mu makono gogo, kuli ga veye lero.

1 Timoteo 2:5

Kigira Nyasaye a veye mulala, nomuhambannyi wa Nyasaye navandu a veye mulala, mwene a veye mundu, Kristo Yesu,

Vahebraina 10:26

Kigira ni ku va ni ku kola ubwoni ne litovola inyima wa ku vuguye limanya lyageligali, si ha tigala kisyuviriru kyobwoni,

Vahebraina 10:27

navutswa li veye ho lihenzerera likalagirwa lyobutii nelyobululu bwomuliru gu li lia avahingi.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Joshua 11:20

Kigira ga li ga Yahova va kola myoyo gyavo kuva rnidinyu, kuduka va twule kulwana na Israeli, a duke kuvadividza ligali, va vule kuverererwa, navutswa a duke ku va dividza, kuli Yahova ya laga Musa.

1 Samweli 3:14

Kunangwa, mmali kwisuhira inyumba ya Eli, ubudamano bwenyumba ya Eli si bu la twulidzwa netsisadaka kinga visyuviriru kuduka mihigi nemihiga.