1 Samweli 2:2 - KITABU KITAKATIFU

² Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.

1 Samweli 2:2 ပူးပေါင်းရင်းမြစ်များ

2 Samweli 22:3

Nyasaye, lwanda lwange, ndi visa muye; Ingavo yange, nolwiga lwange lwobuhonnyi, nomunara gwange, na hokwivisa hange; A veye muhonnyi wange, u mbonnyi ku kirage.

2 Samweli 22:32

Kigira ibwaha a veye Nyasaye, na a ta li Yahova? Nibwaha u veye lwanda na a ta li Nyasaye wetu?

2 Samweli 7:22

Kigira yaga ive u veye munene, O Yahova Nyasaye: kigira si ha li nowundi kuli ive, kandi si ha li na Munyasaye wundi navutswa ive kuli gosi ga ku huliye namatu getu.

1 Avami 8:23

na a vola, O Yahova, Nyasaye wa Israeli, si ha veye na Nyasaye u fwanana nive mba, migulu igulu, kinga mu lirova hasi; u dinyeridzanga lilagana netsimbabasi ku avatumekiri vovo ava gendanga imbiri wowo nemyoyo gyavo gyosi;

Zaburi 111:9

U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 18:31

Kigira ibwaha a veye Nyasaye, na a ta li Yahova? Na ibwaha a veye lwanda, na a ta li Nyasaye wetu,

Zaburi 71:19

Kandi, O Nyasaye, ubulungi bubwo bu veye igulu ligali; U koli vindu vinene O Nyasaye, ibwaha u leng'ana na ive?

Zaburi 71:3

U ve ku inze lwanda lwobumenyi bwange, lwokwingira mu kazozo: U mali kulaga mbonywe; Kigira ive u veye lwanda lwange, na impinga yange.

Zaburi 73:25

Ni bwaha wa mbeye naye migulu, na a ta li ive? Kandi si ha li nowa nyenya ku lirova, na a ta li ive weng'ine.

Zaburi 86:8

Si ha li nowundi hagati ha vanyasaye, u veye kuli ive, O Mwami; Si ha li nelikola lindi li veye kuli likola lilvo.

Zaburi 89:6

Kigira migulu ha veye na bwaha u nyala kuleng'anywa na Yahova? Na ibwaha a veye kuli Yahova mu avana vetsingulu,

Zaburi 89:8

O Yahova Nyasaye wa mahe, Ibwaha u veye wetsingulu, kuli ive, O Yahova? Na ubusuuvirifu bubwo bu ku kumbiridza hosi.

Zaburi 99:3

Vidzominye lieta lilyo linene na lyokutibwa: A veye Mutakatifu.

Zaburi 99:5

Mu kuminye Yahova Nyasaye wetu, Na mu sigamire ha intebe yevirenge vivye: A veye Mutakatifu.

Zaburi 99:9

Mu kuminye Yahova Nyasaye wetu, Mu sigamire ha kigulu kikye kitakatifu; Kigira Yahova Nyasaye wetu a veye mutakatifu.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Isaya 40:18

Kunangwa Nyasaye uyu mu la mu leng'annya na bwaha? Kinga mu la mu fwanannya nolugano ki?

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 6:3

Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe.

Jeremia 10:6

Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

Kyavalevi 11:44

Kigira inze mbeye Yahova Nyasaye wenyu: kunangwa mwetakase avene, na mu ve avatakatifu; kigira inze mbeye mutakatifu: kandi mu teyononya mwinye avene nekindu ki molanga ku tsingano tsyosi ki molanga ku lirova.

Kyavalevi 11:45

Kigira inze mbeye Yahova wa mwanegiridza kutwula mu kivala kya Egepeti, nduke kuva Nyasaye wenyu: kunangwa mu la va avatakatifu, kigira inze mbeye mutakatifu.

Kyavalevi 19:2

U volere livugana lyosi lya avana va Israeli, nokuvavolera, Mu ve avatakatifu; kigira inze Yahova Nyasaye wenyu mbeye mutakatifu.

Varumi 15:4

Ki gira vindu vyosi vya tanga kung'odwa kale vya ng'odwa kigira lyegidzwa lyetu, ku lyekudzira kandi ku lilemeridza lyamang'oda ku duke kuva nelisuuviridzwa.

Varumi 4:8

A veye nobugasu mundu uyu wo Mwami a ta validza kuye ubwoni.

Kwidzulitsa 3:24

O Yahova Nyasaye, wa tanga kumannya mutumwa wowo ubunene bubwo, nomukono gugwo gwetsingulu: kigira ha veye na nyasaye ki mwigulu kinga mu lirova, u nyala ku kola kuii miyinzi gyigyo, kandi kuli likola lilyo lyetsingulu?

Kwidzulitsa 32:20

Na a vola, Nda visa mumoni mwange kuvo Nda lola kiheri kyavo ki la va ndi: Kigira va veve likula lidamano Avana ava ta li nobusuuvirifu.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.

Kwidzulitsa 4:39

Kunangwa u manye lero, na u vike mmwoyo gugwo Yahova a veye Nyasaye migulu nomu lirova hasi; si ha veye nowundi.

1 Petro 1:16

kigira ga ng'odwa, Mu la va avatakatifu; kigira inze mbeye mutakatifu.