1 Samweli 19:5 - KITABU KITAKATIFU

⁵ kigira uyu ya vika livamwoyo lilye mmukono gwigwe mwene, na yiita Mufilisiti, na Yahova ya kolera Israeli vosi ubuhonnyi bunene: ive wa lola inkuva yiyi, na wa sangala; kunang va ni kindu ki kalunu ive wenya kukola ubwoni ku masahi ga ta veye nekindu, nokwiita Daudi bugira kivune?

1 Samweli 19:5 ပူးပေါင်းရင်းမြစ်များ

2 Samweli 23:10

Uyu ya singira, na a lwana na Vafilisiti kuduka mukono gwigwe gwa luha, nomukono gwigwe gwa handa ku kivavi; na Yahova ya kola ubu honnyi ubunene lidiku yilyo; nava ndu virana inyima wewe kulanya vutswa.

1 Kyetsinyinga 11:14

Na va singira ha zana hagati ho mulimi zana, nokugusola, nokwiita Vafilisiti; na Yahova ya va honnya na a va ha buhonnyi bunene.

1 Kyetsinyinga 11:18

Na vavaka yavo va hudula ni va vita mu lihe lya Vafilisiti, ni va daha madzi mu kidaho kya Beth lehemu, kya li himbi nekiribwa, ni va ga ginga kuletera Daudi: navutswa Daudi si ya bugirira kuganwa mba, navutswa ya ga tsuka imbiri wa Yahova,

Zaburi 109:5

Va ndukidzive ubudamano mbugono bwobulahi, Nobudunyi mbugono bwe livayanza lyange.

Zaburi 119:109

Mwoyo gwange gu veye mu mukono gwange kazozo; Navutswa si nzivirira itorati yoyo.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 69:4

Yavo ava ndunyira bugira kivune va veye avanyingi kuvita lisu lyomutwe gwange: Yavo avenya kundividza, va veye avasigu vange nobugadi, va veye avetsingulu: Ma ndirannya kya nda vula kuhila.

Zaburi 94:21

Vevungidza halala kuvukira mwoyo gwomulungi Nokuvika mahyolo ku wamasahi ga ta li nekindu.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Jeremia 26:15

Navutswa mu manye ligali, ni mu va ni mu nziita, mu la leta masahi ga ta li nekindu kugo ku mwinye avene, noku lidala yili, noku avamenyi mulyo; kigira ligali Yahova a ntumi ku mwinye kuvola makuva yaga gosi mu amatu genyu.

Matayo 27:24

Pilatu lwa ya lola si ya nyala kukola kindu, navutswa liyoga lyenya kukira, ya vugula amadzi ni yisaava makorlo gege imbiri wekiduma, na a vola, Si mbeye na kindu ku masahi gomundu mulungi uyu, mwelolere mwinye avene.

Matayo 27:4

na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

Yohana 15:25

Navutswa yaga ga kolwa li duke kudukidzwa likuva lya ng'odwa mu lilaga lyavo, Va ndunyira bugira kivune.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Vafilipi 2:30

kigira ku miyinzi gya Kristo ya li himbi likudza, ya vika livamwoyo lilye mu buhimwa a duke kwizulitsa kya gehera mu litumika lyenyu ku inze.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vakalagi 12:3

Na lwa nda lola mwinye mu vuli kumbonnya, nda gumira livamwoyo lyange, na ndambuka nduke kulwana navana va Amon, na Yahova ya va vika mmukono gwange: kunangwa kigira ki mu duka ku inze lero kulwana ninze?

Vakalagi 9:17

(kigira dada wange ya lwanira mwinye, na ya haana livamwoyo lilye, nokuhonya mwinye ku makono ga Midiani:

1 Samweli 11:13

Na Saulo ya vola, Si ha veye nomundu u nyala kwiitwa lero; kigira lero Yahova u koli ubuhonnyi mu Israeli.

1 Samweli 14:45

Navandu va volera Saulo, Jonathan a la kudza naho, na a li niye wa kola ubukonyi bunene mu Israeli? Auwa: kuli Yahova a veye mwoyo, si li la gwa hasi lisu kali lilala lyomutwe gwigwe; kigira a koli miyinzi halala na Nyasaye lero, ma avandu va honnya Jonathan, a vule kukudza.

1 Samweli 19:6

Na Saulo ya huliridza mwoyo gwa Jonathan: ma Saulo yesuha, na a vola, Kuli Yahova a veye mwoyo, uyu a la vula kwiitwa.

1 Samweli 20:32

Na Jonathan ya tivulira Saulo dada wewe, na a mu volera, A liitwa Kigira ki? A koli ki?

1 Samweli 22:14

Hene yaho Ahimeleku ya tivulira mwami, na a mu volera, Ku vatumekiri vovo vosi, u li ha kuvo u veye musuuvirifu ku leng'ana na Daudi, u veye navizala womwami, wa bugirirwa mu makuva gogo, welidzominywa mu inyumba yoyo?

1 Samweli 28:21

Nomukali uyu ya tsia ku Saulo, na a mu lola a veye mu kivi kinene, na ya mu volera, Henza, mukana mutugwa wowo mbuliye mwoyo gugwo, na mbiki livamwoyo lyange mu mukono gwange, na mbuliye makuva gogo ga u mboleye.