1 Samweli 19:23 - KITABU KITAKATIFU

²³ Na ya tsia Naiothu mu Rama: na Roho wa Nyasaye yadza kuye kandi, na ya tsia imbiri na a profeta, kuduka ha Naiothu mu Rama.

1 Samweli 19:23 ပူးပေါင်းရင်းမြစ်များ

Tsing'ano 16:9

Mwoyo gwomundu gu ganagana inzira yeye; Navutswa Yahova yimiriranga ligenda lilye.

Tsing'ano 21:1

Mwoyo gwomwami gu veye mmukono gwa Yahova kuli migera: A gu girunkannyanga hosi ha yenya.

Livalidza 23:5

Na Yahova ya vika likuva mu munwa gwa Balaam, na vola, Wirane ku Balaki, na u vole makuva yaga na yaga.

Livalidza 24:2

Na Balaam ya ginga tsimoni tsyitsye, na a lola Israeli va menyanga kuli tsihiri tsyavo; na Roho wa Nyasaye ya duka kuye.

Matayo 7:22

Ku lidiku yilyo vanyingi va la mbolera, Mwami, Mwami, si kwa profeta ku lieta lilyo, kandi si kwa twulidza amademone ku lieta lilyo, kandi si kwa kola miyinzi minene minyingi ku lieta lilyo?

Yohana 11:51

Navutswa yaga si ya vola mwene: navutswa kigira ya li na a veye musalisi munene muhiga yigwo ya profeta Yesu a la kudzera ihiri;

1 Vakorintho 13:2

Ni mba ni mbeye nobuprofeti, nokumanya gaviswa gosi nelimanya lyosi; kandi ni mba ni mbeye nelisuuvira lyosi, kuduka kusundidza vigulu, navutswa ni nta va nobuyanzi, si mbeye kindu.

1 Samweli 10:10

Na lwa va duka ha kigulu, henza, avaprofeti va vugana naye; na Roho wa Nyasaye ya duka kuye netsingulu, na ya profeta hagati havo.

1 Samweli 10:12

Nomulala wa ha zana ya tivula na a vola, Dada wavo ni bwaha? Kigira yaga ga duka kuva lugano, Saulo a veye mu vaprofeti?

1 Samweli 10:6

na Roho wa Yahova a ladza ku ive netsingulu, na ive u la profeta halala navo, na u la girunkanywa kuva umundu wundi.

1 Samweli 18:10

Na ga duka mugamba, roho mudamano gwa twula ku Nyasaye, gwadza ku Saulo netsingulu, naye ya profeta mu inyumba: na Daudi ya kupa ubukana nomukono gwigwe, kuli ya kola lidiku na lidiku. Na Saulo ya li nelitimu mmukono gwigwe;

1 Samweli 19:18

Hene yaho Daudi yiruka, na a hona, na a duka ku Samweli ha Rama, na ya mu volera gosi ga Saulo ya mu kolera. Naye na Samweli va tsia kumenya ha Naiothu.

1 Samweli 19:20

Ma Saulo ya hiia vatumwa kuvugula Daudi: na lwa va lola kiduma kyavaprofeti va veye mu liprofeta, na Samweli u singiye kuli a veye mutwe gwavo, Roho wa Nyasaye yadza ku vatumwa va Saulo, navo kandi va profeta.

1 Samweli 19:22

Hene yaho mwene ya tsia ha Rama, na ya duka ha kidaho kinene ki veye ha Seku: na ya teva na a vola, Samweli na Daudi va veye haliha? Mundu nulala ya vola, Henza, va veye Naiothu mu Rama.