1 Samweli 18:5 - KITABU KITAKATIFU

⁵ Kunangwa Daudi ya twula a tsie hosi ha Saulo ya mu tuma, na ya kola nobugeeri: na Saulo ya mwamehidza ku avandu vobulwani, nenkuva yiyi ya li indahi ku avandu vosi, noku vatumekiri va Saulo kandi.

1 Samweli 18:5 ပူးပေါင်းရင်းမြစ်များ

Litanga 39:23

Mulindi wenyumba yavahambe si ya henza kindu kali kilala, kya li mu mukono gwigwe, kigira Yahova ya li halala naye; na vyosi vya ya kola, Yahova ya vi kola vi ve nobugasu.

2 Samweli 5:10

Daudi ya tesa kuva umunene; kigira Yahova, Nyasaye wa mahe, ya li halala naye.

2 Samweli 5:2

Inyinga ya matsyambiri, lwa Saulo ya li mwami ku kwinye, ni ive wimirira Israeli va twula nokuvingiridza: na Yahova ya ku volera, Ive u la va mwayi wavandu vange Israeli, na u la va munene ku Israeli.

2 Kyetsinyinga 17:3

Na Yahova ya li halala na Jehoshafatu, kigira ya genda mu tsinzira tsyokutanga tsya guga wewe Daudi, ya vula kutsia ku Vabaal;

Zaburi 1:3

A la fwanana nomusala gu simikwa himbi nemigera gyamadzi, Gwamanga ku muhiga gwagwo, Matu gagwo si ga niala mba; Na vyosi vya a kola vi la gasa.

Zaburi 101:2

Inze nda kola agobugeeri ku inzira yobudukiru: Inyinga ki u lidza ku inze? Nda genda nomwoyo mudukiru mu inyumba yange.

Matayo 10:16

Henza, inze mmu tuma kuli magondi hagati hevisalang'ongo; mu ve nobugeeri kuli tsinzoka, nobuhooma kuli makuulu.

Vikolwa 7:10

na a mu twulidza mu busaliri bwibwe bwosi na a mu ha ubulahi nobugeeri imbiri wa Farao, mwami we Egepeti; na Farao ya mu kola munyampara mu Egepeti nomu inyumba yeye yosi.

Vafeso 5:17

Kigira yaga mu ta va avasiru, navutswa mu manye ubulaliri bwo Mwami.

Vakolosai 4:5

Mu gende nobugeeri ku va veye kyova, mwegulire ubwiyangu.

Vakalagi 1:19

Na Yahova ya li halala na Yuda; na ya kunga avamenyi mkivala kyevigulu; navutswa si ya nyala kukunga avamenyi mwivona, kigira va li namagari gekivya.

1 Samweli 13:2

na Saulo yetovolera avandu avasatsa tsielfu tsivaka va Israeli; kuvo tsielfu tsiviri va li halala na Saulo ha Mikimashi no mu kigulu kya Beth-eli, na elfu indala va li halala na Jonathan mu Gibea ya Benjamini: navandu va tigala ya va hila sa mulala mu lihema lilye

1 Samweli 14:52

Ha li ho ubulwani ubululu ligali ku Vafilisiti amadiku gosi ga Saulo: na Saulo lwa ya lola mundu wetsingulu, kinga muluviriri, ya mu leta kuye ave naye.

1 Samweli 18:16

Navutswa Israeli vosi na Yuda va yanza Daudi; kigira ya li na a twula na yingira imbiri wetsimoni tsyavo.

1 Samweli 18:30

Inyinga yeyo avanene wa Vafilisiti va twula: na ga duka, ku tsinyinga tsyosi tsya va twula, Daudi ya kola nobugeeri kuvita avatumekiri vosi va Saulo; na lieta lilye lya li nelidzominywa linene ligali.

1 Samweli 18:4

Jonathan ya navula ingubo yegulu ya yivika, na a ha Daudi, nevyuma vivye, kali kivavi kikye, nobuta bwibwe, nomusipi gwigwe.

1 Samweli 18:6

Kandi lwa va gendanga, inyinga Daudi yirana kutwula kwiita Mufilisiti, avakali va twula mu madala gosi ga Israeli, na vimba nokukina, va duke kwaganira mwami Saulo, navo va li nevindu ku lugano lwa isuguti, ni va sangala, na va li nevindu vindi vyokwimba.

1 Samweli 3:19

Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.