1 Samweli 18:4 - KITABU KITAKATIFU

⁴ Jonathan ya navula ingubo yegulu ya yivika, na a ha Daudi, nevyuma vivye, kali kivavi kikye, nobuta bwibwe, nomusipi gwigwe.

1 Samweli 18:4 ပူးပေါင်းရင်းမြစ်များ

Litanga 41:42

Na Farao ya twulidza imingiri yomuhuri ku mukono gwigwe, na a gi vika Yosefa ku mukono gwigwe, kandi ya mu vika tsingubo tsyekatani tsindahi, nokumuvika munyolo gwethahabu mwigoti mwimwe;

2 Samweli 1:22

Ku masahi gaviitwa, noku tsitinya tsyavetsingulu, Ubuta bwa Jonathan bwa vula ki kwirana inyima, Nekivavi kya Saulo kya vula kwirana vutswa.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Ezekieli 23:15

va bofwa misipi mu vikenge vyavo, va vikwa tsingubo tsya buulwa ku mitwe gyavo, vosi va li avanene mu liloleka lyavo, ku lifwana lya Vababuloni ha Kalidei, kivala kya vivulwa mu.

Luka 15:22

Navutswa ise ya volera avatugwa veve, Mu tsie bwangu kuleta ingubo indahi kuvita tsyosi, mu mu vike; kandi mu mu vike imingiri ku kidete kikye, nevilatu ku virenge vivye:

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

1 Samweli 17:38

Na Saulo ya vika Daudi vyuma vivye, na a mu vika igudwa yomugasa ku mutwe gwigwe, nelikoti lyomugasa.

1 Samweli 18:5

Kunangwa Daudi ya twula a tsie hosi ha Saulo ya mu tuma, na ya kola nobugeeri: na Saulo ya mwamehidza ku avandu vobulwani, nenkuva yiyi ya li indahi ku avandu vosi, noku vatumekiri va Saulo kandi.