1 Samweli 18:25 - KITABU KITAKATIFU

²⁵ Na. Saulo ya va volera, Mu la volera Daudi makuva yaga, Mwami si yenya kyobukwi kali kilala, navutswa yenyanga magodo mia ga Vafilisiti, a duke kwevanzira kisalya ku vasigu vomwami. Ni ndiyo Saulo ya ganagana kukola Daudi kugwa ku mukono gwa Vafilisiti.

1 Samweli 18:25 ပူးပေါင်းရင်းမြစ်များ

Litanga 29:18

Na Yakobo ya yanza Raheli; na ya volera Labani, Inze nda ku tumekira mihiga gyitano na gyiviri kigira Rahelimwanamuke.

Litanga 34:12

Mu teve ku inze ubukwi nevihaanwa vya mwenya, na inze nda haana kuli mu mbolera: navutswa mu mpe mukana a ve mukali wange.

2 Samweli 3:14

Na Daudi ya tuma avatumua ku Ishboshethu, mwana wa Saulo, na a vola, U mbe mukali wange Mikali, wa nda kwa magodo mia ga Vafilisiti.

Joshua 5:3

Kunangwa Joshua ya lombera mibano gyamagina madinyu, na ya kevera avana va i Israeli ha kigulu kyamagodo.

1 Samweli 14:24

Avasatsa va Israeli va kupa kivi ligali lidiku yilyo; kigira Saulo yisuhidza avandu, na a vola, A laamwe umusatsa u lia vyokulia ku vyosi kuduka mgolova, na inze ndevanzira kisalya ku vasigu vange. Kunangwa si ha li nomundu kuvo wa tsatsama kyokulia.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.

1 Samweli 18:17

Na Saulo ya volera Daudi, Henza, mwana wange munene Meraba, nda ku ha mukana wange uyu a ve mukali wowo: navutswa ive u ve muluviriri kigira inze, u lwane ubulwani bwa Yahova, yaga geng'ine. Kigira Saulo ya vola, Mukono gwange gu vule kuva kuye, navutswa amakono ga Vafilisiti ga ve kuye.

1 Samweli 18:24

Ma avatumekiri va Saulo va volera Saulo, ni va vola Daudi u voye kuli yaga.

1 Samweli 19:1

Na Saulo ya volera Jonathan mwana wewe, navatumekiri veve vosi, viite Daudi. Navutswa Jonathan, mwana wa Saulo, ya li na ya yanza Daudi ligali.