1 Samweli 17:51 - KITABU KITAKATIFU

⁵¹ Ma Daudi ya nyagula, na a singira ku Mufilisiti, na a vugula kivavi kikye, na a ki somola mu Iwula, na a mwiita, na a mu kalaga mutwe nekivavi zana. Na lwa Vafilisiti va lola muluviriri wavo u mali kukudza, viruka.

1 Samweli 17:51 ပူးပေါင်းရင်းမြစ်များ

2 Samweli 23:21

Nayiita Muegepeti wetsingulu: na Muegepeti zana ya li nelitimu mmukono gwigwe; navutswa ya sulunguta kuye nempimbo, na ya nyaga Muegepeti litimu mmukono gwigwe, na a mwiitira litimu lilye.

2 Samweli 4:7

Na lwa vingira mu inyumba, lwa ya li na a gonanga ku kitali kikye mu inyumba yeye yokugona, va mu kuya, ni va mwiita, na va kalaga mutwe gwigwe, ni va hila mutwe gwigwe, ni va tsia ku inzira yekireremu ubudiku bwosi.

Esther 7:10

Kunangwa va sunga Haman ku musala gwa ya lombera Mordekai. Ma ubutima bwo mwami bwa vomboloka.

Vahebraina 11:34

va guuta tsingulu tsyomuliru, va hona ku bwogi bwekivavi, kutwula mu budedekere va hebwa tsingulu, va gwa avagulu mu lihe, va kunga amahe gavageni.

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

1 Samweli 17:50

Na ndiyo Daudi ya guuta Mufilisiti nolukova neligina na ya duya Mufilisiti na a mwiita; navutswa Daudi si ya li nekivavi mmukono gwigwe.

1 Samweli 21:10

Ma Daudi ya singira, na yiruka lidiku yili kigira ya tia Saulo, na ya tsia ku Akishi mwami wa Gathu.

1 Samweli 21:9

Nomusalisi ya mu volera, Kivavi kya Goliati Mufilisiti, wa wiitira mwivona lya Ela, henza ki veye hano ki boheywi mu ingubo inyima wekisibao: nu u va nu u yanza kukivugula, u ki vugule; kigira si ha veye nekindi ni ki ta li yiki kyeng'ine. Na Daudi ya vola, Si a veye nekindi kuli yiki, u mbe.

1 Samweli 31:9

Ma va mu kala mutwe, ni va mu navula vyuma vivye, ni va tuma avatumwa mu kivala kya Vafilisiti yiyi na yiyi, va duke kuhila makuva kali mu inyumba yevifwananyi vyavo, noku avandu.