1 Samweli 17:46 - KITABU KITAKATIFU

⁴⁶ Ku lidiku lya lero yili Yahova uyu a la ku vika mmukono gwange; na nda ku duya, nokutwulidza ku ive mutwe gugwo; na inze lero nda ha manyonyi gombwerefu na tsinyama tsindulu tsyekivala mibiri gyelihe gya Vafilisiti; lirova lyosi li duke kumanya Nyasaye a veye mu Israeli,

1 Samweli 17:46 ပူးပေါင်းရင်းမြစ်များ

Litanga 40:19

na inyima wa madiku gavaka Farao a la ginga mutwe gugwo gu twule ku ive, nokukusunga ku musala; na manyonyi ga la lia inyama yombiri gugwo.

2 Samweli 18:28

Na Ahimaazu ya hanzuka, na a volera mwami, Gyi veye mirembe. Naye yinaminya mwene imbiri wo mwami, ya henzidza hasi mmoni mwimwe, na a vola, A gasidzwe Yahova Nyasaye wowo, wa twulidza avandu yavo ava ginga makono gavo ku ive, munene wange mwami.

2 Samweli 21:10

Na Rizipa mukana wa Aia ya vugula magunia ni yeyalira mwene ku lwanda, kutwula ku litanga lyeligesa, kuduka va kupidzirwa amadzi ku twula migulu: na si ya leka manyonyi gombwerefu kugwa kugo inyinga yombasu, kinga tsinyama tsyommulitu inyinga yobudiku.

1 Avami 8:43

u hulire migulu hobumenyo bu bwo, nokukola kuli vyosi vya a ku saala, mugeni uyu, avandu velirova lyosi va duke kumanya lieta lilyo, kutia ive, kuli avandu vovo Israeli va ku tidzanga, kandi va manye inyumba yiyi ya nda kwombakira i langwa lieta lilyo kuyo.

1 Avami 8:60

avandu vosi velirova va duke kumanya Yahova a veye Nyasaye; si ha veye nowundi.

2 Avami 19:19

Kunangwa kalunu, O Yahova Nyasaye wetu, nku saala ligali, u ku honnye, mwadza, ku mukono gwa uyu, ubwami bwosi bwelirova bu duke kumanya ive u veye Yahova Nyasaye, ive weng'ine.

2 Avami 5:15

Yirana ku mundu wa Nyasaye uyu, nekiganda kikye kyosi, vadza, ni va singira imbiri wewe: na a vola, Henza kalunu, manya si ha veye na Nyasaye mu lirova lyosi, navutswa mu Israeli: kunangwa kalunu, mwadza, u vugule ubugasu ku mukono gwomutumekiri wowo.

Zaburi 31:8

Na ive si u mbohi mmukono gwo musigu; U singeridzi virenge mu bwiyangu bunene.

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Isaya 37:20

Kunangwa kalunu, O Yahova Nyasaye wetu, u ku honnye ku mukono gwigwe, tsihiri tsyosi tsyomu lirova tsi duke kumanya ive u veye Yahova, ive weng'ine.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 56:9

Mwinye tsinyama tsyosi tsyombulimu, hambi mu duke kulia, yee, tsinyama tsyosi tsyommulitu.

Jeremia 19:7

Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

Jeremia 34:20

inze nda va vika mmukono gwavasigu vavo, mu mukono gwa yavo avenyanga livamwoyo lyavo; na mibiri mikudzu gyavo gyi la va vyokulia vyamanyonyi gombwerefu, na vyetsinyama tsindulu tsyomu lirova.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Matayo 24:28

Hekikudzu ki veye tsididzu tsi la vuganira ho.

Kwidzulitsa 28:26

Nomubiri mukudzu gugwo gu la va kyokulia kyamanyonyi gosi ago mbwerefu, netsinyama tsyosi tsyo mu lirova; na si ha la va nomundu wokuvigosa.

Kwidzulitsa 7:2

na lwa Yahova Nyasaye wowo a la va vika havulavu imbiri wowo, kuvaguuta; hene yaho u la va duya: na u la i vononya ligali: u ta kola lilagana navo, kinga ku va vererera;

Kwidzulitsa 7:23

Navutswa Yahova Nyasaye wowo a la va vika havulavu imbiri wowo, Yahova a la vika kuvo kivi, kivi kinene, kuduka va luhe va dive.

Joshua 10:8

Na Yahova ya volera Joshua, U ta va tia: kigira mmali kuvavika mmakono gogo, si ha veye nomundu kali mulala muvo u nyala kusingira imbiri wowo.

Joshua 4:24

avandu velirova vosi va duke kumanya mukono gwa Yahova, gu veye mukono gwobunyali; mu duke kutia Yahova Nyasaye wenyu mihiga nemihiga.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.

1 Samweli 17:44

Mufilisiti ya volera Daudi, Hamba ku inze, na nda ha amanyonyi gombwerefu inyama yomubiri gugwo, noku tsinyama tsyo mwigendanyama.