1 Samweli 17:43 - KITABU KITAKATIFU

⁴³ Na Mufilisiti ya volera Daudi, Inze mbeye imbwa, ive udzanga ku inze nempimbo? Mufilisiti ya nyega Daudi ku vanyasaye veve.

1 Samweli 17:43 ပူးပေါင်းရင်းမြစ်များ

Litanga 27:29

Avandu va tumekire ive, Na tsihiri tsi ku sigamire: Ive u ve mwami ku avamwavo vovo: Kandi avana va mama wowo va ku sigamire: Ku vosi a laama ive, a laamwe, Noku vosi a gasidza ive, a gasidzwe.

2 Samweli 16:5

Na lwa Daudi ya duka Bahurim henza, ya twula yo mundu mwiko wenyumba ya Saulo, ya langwa lieta lilye Shimei mwana wa Gera; ya twula, naye ya hongera kunyega na a genda.

2 Samweli 16:9

Hene yaho Abishai mwana wa Zeruia ya volera mwami, Kigira ki imbwa inkudzu yiyi i nyeganga mu nene wange mwami? Mwadza, mbe munwa, nyambuke mmu twulidze mutwe gwigwe

2 Samweli 3:8

Hene yaho Abineri ya vihirirwa ligali kigira makuva ga Ishboshethu, na a vola, Inze mbeye mutwe gwembwa ya Yuda? Lero nda vera inyumba ya dada wowo, navamwavo veve, navalina veve tsimbabasi, mbule kuvika ive mmukono gwa Daudi; navutswa ive lero u vika ku inze mahyolo ku makuva gomukali uyu.

2 Samweli 9:8

Naye ya sigama, na a vola, Inze mutumekiri wowo ni kindu ki, kuduka ive u luhe u henze ku imbwa inkudzu kuli inze mbeye?

1 Avami 20:10

Benhadadi ya tuma vatumwa kuye kandi, na a vola, Avanyasaye va nkolere ndiyo kandi, nokuvita, ulugukyi lwa Samaria ni lu va ni lu duka avandu yava vosi ava londa inze, sa mulala a nyole uluhe lulala.

2 Avami 8:13

Na Hazaeli ya vola, Navutswa mutumekiri wowo a veye ki, inze u veye imbwa vutswa, nduke kukola kindu kinene yiki? Na Elisha ya tivula, Yahova a mmannyi ive u la va mwami ku Siria.

Tsing'ano 26:2

Kuli litonderidzi mu ligenda, na kuli iminyi mu libuluka lyayo, Ni ndiyo lilaama li ta veye nekivune, na li ta veye na ha li duka.

Livalidza 22:6

Kalunu hamba, mwadza, u naamire avandu yava; kigira va veye netsingulu kuvita inze; mbula nda va guuta, na ku va duye, na nduke kuvakunga kutwula mu kivala yiki; kigira mmanya uyu va u gasidzanga a gasidzangva, na uyu wa u laamanga a laamangwa.

Vakalagi 9:27

Na va samula kutsia mmilimi, na va gera milimi gyavo gya mizabibu, na va mina muzabibu, ni va lomba lidiku linene, kandi vingira munyumba ya munyasaye wavo, ni va lia ni va nwa, nokulaama Abimeleku.

1 Samweli 14:12

Navandu vomu lugaga va tivulira Jonathan na uyu wa ginga vyuma vivye, ni va vola, Mwanegire yino, na ku la mmannya kindu. Na Jonathan ya volera wa mgingira vyuma vivye, Wanegire inyima wange, kigira Yahova u va viki mmakono ga Israeli.

1 Samweli 24:14

Mwami wa Israeli ya twula na a londerera bwaha? Na ive wa londerera bwaha? Wa londerera imbwa inkudzu, kinga kisiiri.

1 Samweli 24:15

Kunangwa Yahova a ve mukalagi, a kalage hagati hange nive, na a lole, na a vere makuva gange, na a mbonnye ku mukono gugwo.