1 Samweli 17:36 - KITABU KITAKATIFU

³⁶ Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.

1 Samweli 17:36 ပူးပေါင်းရင်းမြစ်များ

2 Kyetsinyinga 32:17

Na ya ng'oda tsibaruwa tsyokukola kihe nyahenyi ku Yahova, Nyasaye wa Israeli, nokumutala budamano, na a vola Kuli avanyasaye vetsihiri tsye vivaia, va vula kuhonnya avandu vavo mmukono gwange, na ndiyo kandi Nyasaye wa Hezekia a la vula kuhonnya avandu veve mmukono gwange.

Isaya 10:15

Imbadzi i liidzominya ku uyu u gi tumekiranga? Msameno gu liidzominya ku uyu u gu nyiranga? Kuli musala gu sung'usa yavo ava gu ginga, kinga kuli impimbo i ginga uyu u ta li musala.

Isaya 36:15

kandi mu ta leka Hezekia a mu suuviridze ku Yahova mba, na a vola, Yahova, ligali a la ku honnya; lidala yili si li la vikwa mmukono gwomwami wa Asuria mba.

Isaya 36:18

Mu gelihe, gase Hezekia a la mu girunkannya, nokuvola, Yahova a la ku honnya. A veye ho munyasaye mulala mu vanyasaye vetsihiri wa honnya kivala kikye ku mukono gwomwami wa Asuria?

Ezekieli 28:10

U la kudza likudza lya avasindi ku makono gavageni: kigira mmali kuvola likuva yili, Mwami Nyasaye a vola.

Ezekieli 32:19

Ive u vita bwaha nobulahi? Yika, walirwe halala navasindi.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Zekaria 12:3

Na ga la duka ku lidiku yilyo, nda kola Yerusalemi kuva ligina liliduhu ku avandu vosi; vosi ava ginga musigo yigwo va laatwa tsing'oma ligali; netsihiri tsyosi tsyelirova tsi la vungidzwa halala kulyo.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.

1 Samweli 17:10

Na Mufilisiti uyu ya vola kandi, Henza, ndegi amahe ga Israeli lero; mu mbe mundu, ku duke kulwana halala.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:35

inze nda ki londa, nokukikuya, nokuhonnya kimeme kyeligondi mmunwa li gwakyo, na lya kya ntuumira, nda ki gumira kisuli, nokukikuya, nokukiita.

1 Samweli 17:37

Na Daudi ya vola, Yahova uyu wa mbonnya ku mukono gweking'ang'a, na gwa iduba a la mbonnya ku mukono gwo Mufilisiti uyu. Kunangwa Saulo ya volera Daudi, Ka tsie, na Yahova a la va halala nive.

1 Samweli 18:17

Na Saulo ya volera Daudi, Henza, mwana wange munene Meraba, nda ku ha mukana wange uyu a ve mukali wowo: navutswa ive u ve muluviriri kigira inze, u lwane ubulwani bwa Yahova, yaga geng'ine. Kigira Saulo ya vola, Mukono gwange gu vule kuva kuye, navutswa amakono ga Vafilisiti ga ve kuye.

1 Samweli 31:4

Hene yaho Saulo ya volera uyu ya ginga vyuma vivye, Somola kivavi kikyo, u ntumite nakyo, gase yava avasindi va la ntumita, nokundegannya. Navutswa mugingi wevyuma vivye si ya bugirira mba; kigira ya tia ligali. Ma Saulo mwene ya gumira kivavi kikye, na a gwa kukyo.