1 Samweli 17:34 - KITABU KITAKATIFU

³⁴ Na Daudi ya volera Saulo, Inze mutumekiri wowo nda li nindanga magondi gadada wange; na lwa king'ang'a kya duka, kinga iduba, nokugumira kimeme kyeligondi mu kyayo,

1 Samweli 17:34 ပူးပေါင်းရင်းမြစ်များ

Litanga 31:39

Gyosi gyekindu kya lumaga, si nda gyi leta ku ive, nda bugirira ligota lyagyo; ive wa gyenya ku mukono gwange, ni gyi va ni gyibangwa mbasu kinga ubudiku.

2 Samweli 17:8

Kuvita yaga Hushai ya vola, Ive u manya dada wowo navandu veve, va veye avandu avaluviriri, na va veye nobu lulu ligali mu myoyo gyavo, kuli iduba ni i nyagiywi avana vayo mwigendanyama; na dada wowo a veye mundu welihe, na si a la gona halala navandu.

2 Samweli 23:20

Na Benaia mwana wa Jehoiada, mwana womundu muluviriri wa Kabi zeeli, wa kola vikolwa vyokugenya, uyu y iita arana vaviri va Arieli wa Moabu: na yika kandi ni yiita king'a ng'a hagati holuhangaywa inyinga yenkindirira.

1 Kyetsinyinga 11:22

Benaia mwana wa Jehoiada, mwana womuluviriri wa Kabizeeli, naye ya kola vikolwa vilahi vyetsi ngulu, yiita avana vaviri va Arieli wa Moabu: na ya sulunguta nokwiita king'ang'a mu bogo inyinga yelikonza.

Zaburi 143:5

Nzidzulitsa madiku ga kale Ng'anagana ku likola lilyo lyosi; Na ng'anagana miyinzi gyamakono gogo,

Ezekieli 34:12

Kuli mwayi yenyanga kyayo kikye mu lidiku lya ya li hagati ha magondi gege aga salannywa yiyi na yiyi, ni ndiyo ndenya amagondi gange; na nda ga honnya kutwula hosi ha ga salannywa mu lidiku lyamalesi nelyekisundi.

Amosi 3:12

Yahova a vola ndi: Kuli mwayi a twulidza mu munwa gweking'ang'a, virenge viviri, kinga kidonye kyogutu; ni ndiyo avana va Israeli va la twulidzwa ava menyanga mu Samaria mu ikorna mwekitali nomu Damasko ku kitali.

Zekaria 11:16

Kigira, henza, nda singeridza mwayi mu kivala, u li vula kutsia kuhenza yavo avagoti, kinga kwenya avasalannywa, kandi si a la honya avononnywa, kinga kulagiridza ava veye avalamu; navutswa a la lia inyama yomubiri gwomukomeru, nokutandula tsimbagayu tsyavo.

Zekaria 9:7

Na nda twulidza masahi gege ku munwa gwigwe, na livihiridza lilye nda li twulidza mu amino gege; uyu kandi a la va litigala lya Nyasaye wetu; na a la va kuli govuna mu Yuda, na Ekiron a la va kuli Mujebusi.

Luka 2:8

Avayi va li ho mu kivala zana va linda kyayo kyavo mu kyayiru ubudiku.

Yohana 10:11

Inze mbeye mwa yi mulahi: mwayi mulahi a haana livamwoyo lilye kigira magondi.

Varumi 5:4

kandi lyekudzira li leta libugirirwa; kandi libugirirwa li leta ubuluviriri:

Vahebraina 11:33

ava guutira ku lisuuvira ubwami bwavami, va kola bulungi, va nyola lisuuviridzwa, va kunikaminwagyeving'ang'a,

Likunula 13:2

Kandi inyama zana ya nda lola ya fwanana ne ingo, nevirenge vyayo vya li kuli vyeduba, kandi munwa gwayo gwa li kuli munwa gweking'ang'a: kandi guyoka gwa gi ha tsingulu tsyayo, nentebe yayo, nelihaana munwa linene.

Vakalagi 14:6

Roho wa Yahova ya duka ku Samsoni netsingulu, na ya tandula king'ang'a kuli a tandula kimeme; na si ya li nekindu mu mukono gwigwe mba; navutswa si ya volera dada wewe na mama wewe ga ya kola.

1 Samweli 17:15

Na Daudi ya li ni ya tsia no kwirana kutvvula ku Saulo, a duke kwaya magondi ga dada v ewe ha Beth-lehemu.

1 Samweli 17:33

Na Saulo ya volera Daudi, Ive si u nyala kutsia ku Mufilisiti uyu, u lwane naye; kigira ive u veye mwana vutswa, naye a veye umundu wobulwane kutwula bwana bwibwe.

1 Samweli 17:35

inze nda ki londa, nokukikuya, nokuhonnya kimeme kyeligondi mmunwa li gwakyo, na lya kya ntuumira, nda ki gumira kisuli, nokukikuya, nokukiita.