1 Samweli 17:28 - KITABU KITAKATIFU

²⁸ Na Eliabu amwavo wewe munene ya hulira lwa ya volerana navandu; nobutima bwa Eliabu bwaaka ku Daudi, na ya vola, Kigira ki ive u sulunguta? Namagondi makekeke u ga leki mmukono gwa bwaha mu kyangalangwi? Mmanya luyai lulwo, nobudamano bwomwoyo gugwo; kigira u sulunguti, u duke kulola ubulwani.

1 Samweli 17:28 ပူးပေါင်းရင်းမြစ်များ

Litanga 37:11

Avamwavo va mu kendekera; navutswa dada wewe ya vika likuva yili mu mwoyo gwigwe.

Litanga 37:4

Na avamwavo veve va lola kuli dada wavo ya mu yanza kuvita avamwavo vosi veve; na va mu dunyira, na si va nyala kuvolerana naye nemirembe.

Litanga 37:8

Na avamwavo veve va mu volera, Hene ive u lameha ku kwinye? Kinga, ligali ive u la va nobwami ku kwinye? Navo va meda kumudunyira kigira maloto gege, na makuva gege.

2 Kyetsinyinga 11:18

Na Rehoboam ya leta mukali, Mahalathu mukana wa Jerimothu, mwana wa Daudi, na Abihaili mukana wa Eliabu mwana wa Jesse;

Zaburi 35:11

Avaloli avakyamu va singira; Va nteva ku vindu vya nta manya.

Tsing'ano 18:19

Amwavo u dunyiridzangwa, ubudinyu bwokumunyola kuvita kuvugula livugula lidala lyetsingulu; Na lihing'ana kuli yili li veye kuli miluguyu gyolugaga.

Tsing'ano 27:4

Ubutima bu veye bwobululu, na ubudunyi bu veye nelikaminya Navutswa ni bwaha u nyala kusi ngira imbiri wembodoka?

Kohelethu 4:4

Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

Matayo 10:36

na vasigu vomundu va la va avenyumba yeye.

Matayo 27:18

Kigira ya manya va mu yala kumbodoka yavo.

Marko 3:21

Navalina veve lwa va hulira va tsia kumgumira: kigira va vola, A lalu kanga.

Yudasi 1:10

Navutswa yava va nyeganga vindu ku vyosi vya va ta manya: kandi yivyo vya va manyanga mu liva lyavo, kuli tsinyama tsi ta li nobugeeri, mu vindu yivi vononnyirangwa mu.

1 Samweli 16:13

Kunangwa Samweli ya vugula lwiga lwamaguta, na a mbakira hagati ha vamwavo veve: Roho wa Yahova yadza ku Daudi netsingulu kutwula lidiku yilyo. Ma Samweli ya singira na a tsia Rama.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.

1 Samweli 17:29

Na Daudi ya vola, Nkoli ki kalunu? Si ha veye nekivune?