1 Samweli 17:26 - KITABU KITAKATIFU

²⁶ Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:26 ပူးပေါင်းရင်းမြစ်များ

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

2 Kyetsinyinga 32:17

Na ya ng'oda tsibaruwa tsyokukola kihe nyahenyi ku Yahova, Nyasaye wa Israeli, nokumutala budamano, na a vola Kuli avanyasaye vetsihiri tsye vivaia, va vula kuhonnya avandu vavo mmukono gwange, na ndiyo kandi Nyasaye wa Hezekia a la vula kuhonnya avandu veve mmukono gwange.

Nehemia 5:9

Kandi nda vola, Inkuva ya mu kolanga yiyi si i veye indahi mba: si ga mu dukira kugenda mu litibwa lya Nyasaye wetu, kigira amanyego aga vetsihiri avasigu vetu?

Zaburi 44:13

U ku kola kuva avandu vokunyegwa ku vatende vetu, Nokuva avelisekwa na avekihenyahenye kuvo ava ku ku mbiridza.

Zaburi 74:18

Widzulitse yaga, musigu u nyegi ive, O Yahova, Na avandu vobusiru va legi lieta lilyo.

Zaburi 79:12

Wirannye ku avatende vetu hali gatano na gaviri mu viritu vyavo Amanyego gavo aga va nyega ive, O Mwami.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 9:25

Henza, madiku gadzanga, Yahova a vola, mu madiku yago nda va ha mageli vosi avakevwa mu livula kukevwa lyavo:

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Ezekieli 28:10

U la kudza likudza lya avasindi ku makono gavageni: kigira mmali kuvola likuva yili, Mwami Nyasaye a vola.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Danyeli 6:27

a honyanga nokusola, na a kola vilolekidzu, nevyokugenya mu ligulu nomu lirova, wa honnya Danyeli mu tsingulu tsyeving'ang'a.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Joeli 2:19

Na Yahova ya tivula na a volera avandu veve, Henza, nda mu letera ubuswage, na iwaini impya, na maguta, na mu liguta vindu yivi; na si nda mu kola kandi kunyegwa hagati hetsihiri;

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Joshua 3:10

Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Samweli 11:2

Na Nahashu Muamon ya va volera, Mbeye nelisaavira lyange nda lomba lilagana na mwinye, mundu sa mulala imoni yeye yomukono mulungi i hudulwe; na nda vika inkuva yiyi ku Israeli vosi i duke kuva manyego kuvo.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.

1 Samweli 17:10

Na Mufilisiti uyu ya vola kandi, Henza, ndegi amahe ga Israeli lero; mu mbe mundu, ku duke kulwana halala.

1 Samweli 17:30

Na ya girunkana na a mu leka na a henza ku mundu wundi naye ya vola ku lugano zana: navandu yavo va mu tivulira kandi kuli miima gyokutanga.

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.

1 Samweli 31:4

Hene yaho Saulo ya volera uyu ya ginga vyuma vivye, Somola kivavi kikyo, u ntumite nakyo, gase yava avasindi va la ntumita, nokundegannya. Navutswa mugingi wevyuma vivye si ya bugirira mba; kigira ya tia ligali. Ma Saulo mwene ya gumira kivavi kikye, na a gwa kukyo.