1 Samweli 16:21 - KITABU KITAKATIFU

²¹ Daudi ya duka ku Saulo, na ya singira imbiri wewe: na ya myanza ligali; na ya duka kuva mugingi wevyuma vivye.

1 Samweli 16:21 ပူးပေါင်းရင်းမြစ်များ

Litanga 41:46

Kandi Yosefa ya li nemihiga makumi gavaka lwa ya singira imbiri wa Farao mwami wa Egepeti. Na Yosefa ya twula imbiri wa Farao, na a kia mu kivala kyosi kya Egepeti.

1 Avami 10:8

Va veye nobugasu avandu vovo, va veye nobugasu vatumekiri vovo, ava singiranga imbiri wowo kazozo, nokuhulira ubu geeri bubwo.

Zaburi 118:9

Nobulahi kwirukira ku Yahova Kuvita kusuuvira avanene.

Zaburi 146:3

Mu ta suuvira avanene, Kinga ku mwana womundu, u ta li nobukonyi.

Zaburi 62:9

Ligali avandu ava hanzahanza va veye vyavutswa, na avandu avanene va veye ububehi: Mu tsiratili va la gingika; Vosi halala va veye avahuhu kuvita mwika.

Tsing'ano 22:29

U lola mundu wobugulu mu miyinzi gyigye? A la singira imbiri wavami; Si a la singira imbiri wa avandu ava ta manyekana.

Kwidzulitsa 1:38

Joshua mwana wa Nuni, u singiranga imbiri wowo, a lingira mu: u mu leminye mwoyo; kigira uyu a la lihidza Israeli miyandu.

Kwidzulitsa 10:8

Nenyinga yeyo Yahova yahula ihiri ya Levi, va ginge lisanduku lya malago ga Yahova, va singire imbiri wa Yahova kumutumikira, nokugasidza avandu ku lieta lilye, kuduka lero.

Vakalagi 9:54

Hene yaho ya langa bwangu musoleli wa ginga vyuma vivye, na a mbolera, Somola kivavi, u nziite, avandu va vule kuvola ku inze, Mukali ya mwiita. Ma musoleli wewe ya mu tumita, na a kudza.

1 Samweli 16:22

Na Saulo ya tuma mundu ku Jesse, na a mu volera. Mwadza, u leke Daudi a singire imbiri wange; kigira u yanziki imbiri wange.

1 Samweli 17:15

Na Daudi ya li ni ya tsia no kwirana kutvvula ku Saulo, a duke kwaya magondi ga dada v ewe ha Beth-lehemu.

1 Samweli 17:55

Ma Saulo lwa ya lola Daudi na a twula kutsia ku Mufilisiti, ya teva Abineri, wa li munene welihe, Abineri, uyu nomwana wa bwaha? Abineri ya vola, Kuli roho gugwo gu veye mwoyo, O mwami, si nyala kukuvolera.

1 Samweli 19:7

Kunangwa Jonathan ya langa Daudi, na Jonathan ya mu mannya makuva yaga gosi. Na Jonathan ya hila Daudi ku Saulo, naye ya li imbiri wewe, kuli matsyambiri.