Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.
Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.
Nomukali uyu ya mu volera, Vafilisiti va veye ku ive, Samsoni. Naye ya vuka mu tsindolo tsitsye, na a vola, Inze nda twula kuli nda kola tsinyinga tsindi, nzinyire. Navutswa si a manya Yahova u mu leki.
Mwami wetu a lage kwinye avatumekiri veve, va veye imbiri wowo, venye mundu u veye musidza kukupa ubukana: na ga la va, lwa mwoyo mudamano gu twula ku Nyasaye gu veye ku ive, a la kupa ubukana nomukono gwigwe, na ive u la hona.
Na ga duka, roho mzldamano gwa twula ku Nyasaye, lwa gwa li ku Saulo, Daudi ya vugula ubukana, na a bu kupa nomukono gwigwe: ma Saulo ya lola bulahi, na a sosa, nomwoyo mudamano gwa twula kuye.
Na ga duka mugamba, roho mudamano gwa twula ku Nyasaye, gwadza ku Saulo netsingulu, naye ya profeta mu inyumba: na Daudi ya kupa ubukana nomukono gwigwe, kuli ya kola lidiku na lidiku. Na Saulo ya li nelitimu mmukono gwigwe;
Na Samweli ya volera Saulo, Kigira ki ive u ndambidzi nokumbukidza? Na Saulo ya tivula, Inze mbeye mu lisaliridzwa ligali; kigira Vafilisiti va lwananga na inze, na Nyasaye u ndeki, na si ya ntivulira, kinga na vaprofeti, kinga na malola: kigira yaga nda langa ive, u nungike aga nda kola.