1 Samweli 16:13 - KITABU KITAKATIFU

¹³ Kunangwa Samweli ya vugula lwiga lwamaguta, na a mbakira hagati ha vamwavo veve: Roho wa Yahova yadza ku Daudi netsingulu kutwula lidiku yilyo. Ma Samweli ya singira na a tsia Rama.

1 Samweli 16:13 ပူးပေါင်းရင်းမြစ်များ

2 Samweli 12:7

Na Nathan ya volera Daudi Ive niye mundu zana. Yahova Nyasaye wa Israeli a ku volera ndi, Inze nda ku vaka maguta u ve umwami ku Israeli, na nda ku honnya ku mukono gwa Saulo:

2 Samweli 2:4

Navandu va Yuda va tsia, ni va vakira yo Daudi maguta, a ve mwami ku inyumba ya Yuda. Na va volera Daudi, ni va vola, Avandu va Jabeshgileadi nivo ava ta Saulo.

2 Samweli 23:1

Makuva yaga ga veye makuva gekiheri ga Daudi. Daudi mwana wa Jesse a volanga, Uyu mundu wa gingwa iguiu ligali a volanga, Mbake wa Nyasaye wa Yakobo, Mung'odi wetsizaburi tsyokuyanzidza tsya Israeli:

2 Samweli 5:3

Ma avakulundu vosi va Israeli va tsia ku mwami ku Hebironi; na mwami Daudi ya lomba lilagana navo ha Hebironi imbiri wa Yahova: navo va vaka Daudi maguta a ve mwami ku Israeli.

2 Avami 9:6

Na ya singira ni yingira mu inyumba: na a mu tsukira maguta ku mutwe gwigwe, nokumuvolera, Yahova, Nyasaye wa Israeli a volanga, Mbaki ive amaguta u ve umwami ku avandu va Yahova, kali ku Israeli.

1 Kyetsinyinga 11:3

Kunangwa avakulundu vosi va Israeli va tsia ku mwami wa li Hebironi; na Daudiya lomba lilagana halala navo imbiri wa Yahova ha Hebironi; navo va vaka Daudi ma guta nokumukola a ve mwami ku Israeli, kuli likuva lya Yahova lya ya vola nomunwa gwa Samweli.

Zaburi 89:20

Nyoye Daudi mutumekiri wange; Mmu vaki namaguta gange matakatifu:

Zaburi 89:21

Wekigalo kyange ki la luvirira kuye Na mukono gwange gu la mu vika tsingulu.

Livalidza 11:17

Na inze ndika nokuvolerana nive ha zana: na nda vugula ku Roho u veye ku ive, nokuvika kuvo, navo va Ia ginga musigo gwa avandu halala nive, ive u vule kuguginga weng'ine.

Livalidza 27:18

Na Yahova ya volera Musa, U lete Joshua mwana wa Nuni, nundu wa Roho a veye muye, na u vike kuye mukono gugwo;

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Vikolwa 13:22

Lwa ya mala kutwulidza uyu, ya singeridza Daudi a ve mwami wavo; wa ya lolekidza na a vola, Nyoye Daudi mwana wa Jesse, a veye mundu ku lugano lwomwoyo gwange, u li kola ubulaliri bwange bwosi.

Vahebraina 1:9

U yanzi ubulungi, kandi u vihireywi ubwebaali; Kigira yaga Nyasaye, Nyasaye wowo, u ku vaki Maguta gobusangali kuvita avakyo.

Vahebraina 11:32

Kandi inze nda vola ki agandi? Kigira tsinyinga si tsi la duka ni mbola amakuva ga Gideoni, naga Baraka, naga Samsoni, naga Jefetha; naga Daudi, naga Samweli, naga vaprofeti:

Vakalagi 11:29

Hene yaho Roho wa Yahova yadza ku Jefetha, naye ya vita mu Gileadi na Manase, na ya vita mu Mizipa ya Gileadi, nokutwula ha Mizipa ya Gileadi ya vita kutsia ku avana va Amon.

Vakalagi 13:25

Na Roho wa Yahova ya tanga kumuvukidza mu Mahanedan, hagati ha Zora na Eshitaoli.

Vakalagi 14:6

Roho wa Yahova ya duka ku Samsoni netsingulu, na ya tandula king'ang'a kuli a tandula kimeme; na si ya li nekindu mu mukono gwigwe mba; navutswa si ya volera dada wewe na mama wewe ga ya kola.

Vakalagi 3:10

Na Roho wa Yahova yadza kuye, na ya kalagira Israeli: na ya twula kutsia mbulwani, na Yahova ya vika Kushan-rishathaim mwami wa Mesopotamia mmukono gwigwe: nomukono gwigwe gwa guuta Kushan-rishathaim.

1 Samweli 1:19

Na va vuka mugamba mabwebwe, ni va sigamira imbiri wa Yahova, ni virana, na va duka mu inyumba yavo ha Rama. Na Elikana ya manya Hana mukali wewe; na Yahova ya mwidzulira;

1 Samweli 10:1

Hene yaho Samweli ya vugula kachupa kamaguta, na ya ga tsuka ku mutwe gwigwe, na ya mu busa, na a mu volera, Si ga veye kigira Yahova u ku vaki maguta u duke kuva munene ku miyandu gyigye?

1 Samweli 10:6

na Roho wa Yahova a ladza ku ive netsingulu, na ive u la profeta halala navo, na u la girunkanywa kuva umundu wundi.

1 Samweli 11:6

Nonoho lwa ya hulira amakuva yaga Roho wa Nyasaye ya duka ku Saulo netsingulu, nobutima bwibwe bwaaka ligali.

1 Samweli 16:18

Ma mulala kuvo avasoleli, ya tivula na a vola, Henza, ndoli mwana mulala wa Jesse Mubeth-lehemu, a veye musidza wokukupa ubukana, kandi a veye muluviriri, na a veye mundu welihe, nomugeeri mu livola, naye a veye mundu mulahi; na Yahova a veye halala naye.

1 Samweli 18:12

Na Saulo ya tia Daudi, kigira Yahova ya li halala naye, na Yahova ya li na a leki Saulo.

1 Samweli 2:35

Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.